Горад

Гродзенцы пабачылі «Адлігу» раней за мінчан

Літаратурна-музычная імпрэза «Адліга» прайшла ў Гродзенскім драматычным тэатры 28 сакавіка. Стварылі гэту праграму атрысты з розных тэатраў Мінска пад кіраўніцтвам рэжысёркі Дар'і Пататурка. Паэтычная частка канцэрта складалася з вершаў Роберта Раждзественскага, музычнае аздабленне — з песень, што выконваліся ў савецкім кінафільмах 60-х. Гродзенцы сталі першымі гледачамі пастаноўкі. У Мінску «Адліга» пройдзе толькі ў канцы вясны.

[the_ad id="16 085"]

Фрагмент з літаратурна-музычнай пастаноўкі «Адліга»

Канцэрты, што спалучаюць паэзію з музыкай, Дар’я Пататурка ставіць не ўпершыню. Раней яе працы былі прысвечаны музыцы 80-х, а зараз дайшла чарга да больш ранняга музычнага перыяду. «Людзям вельмі падабаецца музыка з савецкага кіно гэтага часу, а паэзія Раждзественскага гэтага перыяду вельмі тонка расказвае аб каханні, стварае атмасферу».

Дар’я Пататурка, рэжысёрка пастаноўкі «Адліга», акторка Вялікага тэатра Беларусі

Гасціннасць гродзенскай сцэны і цёплы прыём гледачоў адзначыў Павел Лубчонак. «Ігралася добра. Атмасфера спрыяла таму, каб канцэнтравацца на задачах у патрабаваных абставінах, то ўсё атрымалася». Што да паэмы «Да твайго прыходу», якую Павел разам з Дар’яй Пататурка чыталі ў дыялогу, то тэмы кахання і здрады зразумелыя ўсім і заўсёды, мяркуе актор. «Там не было нічога пра КПСС ці працадні, што магло б быць незразумела сучаснаму гледачу. Былі толькі пачуцці, якія існуюць па-за часам». То трэба было «прымерыць іх на сябе, выказаць са сцэны так, як маглі б адчуваць людзі, што пісалі гэтыя вершы».

Павел Лубчанок і Дар’я Пататурка, сцэна з пастаноўкі «Адліга»

Эдуард Вайніловіч, што спяваў вядомыя і любімыя ўсімі «Ваше благородие, госпожа удача» ці «Старый клён» кажа, што выхоўваўся на гэтых песнях і не лічыць, што іх музыка састарэла.

youtu.be/i2TeytpXA8I

«Гэтыя песні ўжо сталі народнымі, і яны звязаны не толькі з фільмамі. Напэўна, у многіх людзей ёсць і ўласныя прыемныя ўспаміны, звязаныя з імі. Песні з кіно 60-х працягваюць сваё жыццё ў нашай памяці, робяцца неад’емным пластом сучаснай культуры».

Дар’я Новік, сапрана, у пастаноўцы «Адліга» — выконвала песні з кінафільмаў 60-х гадоў

«Бывае, што людзі ходзяць, так бы мовіць, у панцырах. А калі ў іх пранікае каханне, то ўсе растаюць, адкрываюць душы і сэрцы. Вось пра гэта мы сёння хацелі іграць, спяваць і гаварыць», — распавяла канцэртмайстар Таццяна Панасюк.

«Вельмі спадабалася створаная артыстамі атмасфера, тыя пачуцці, што яны перадалі. Прыемна было чуць музыку, знаёмую з дзяцінства. А вось вершаў гэтых раней не чула, яны сталі для мяне адкрыццём», — падзялілася ўражаннямі ад канцэрта адна з глядачак, Таццяна.

Таццяна, глядачка: «Прыемна было чуць музыку, знаёмую з дзяцінства».

«Зрабіла ўражанне выкананне на фартэп’яна, — распавёў глядач, што прадставіўся Сяргеем Мікалаевічам. — Вельм-вельмі добра, на вышэйшым узроўні. Імпрэза, маім меркаваннем, стала арыгінальнай культурнай падзеяй для нашага невялікага горада».

Сяргей Мікалаевіч, глядач: «Імпрэза, маім меркаваннем, стала арыгінальнай культурнай падзеяй для нашага невялікага горада»
Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025