“Зараз наш праект будзе сацыяльным”. Гродзенцы пасля паездкі ў ЗША вырашылі дапамагаць ЛГБТ-супольнасці

Яшчэ ў ліпені гродзенскі мабільны дадатак BringMeGift увайшоў ў чацвёрку праектаў з Беларусі, якія выбралі для ўдзелу ў праграме расійска-амерыканскага акселератара Starta. Стваральнікі праекта адправіліся ў Нью-Ёрк на стажыроўку. Пасля гэтага яны цалкам памянялі  дадатак. Зараз каманда працуе над ідэяй бяспечных падарожжаў для прадстаўнікоў ЛГБТ-супольнасці.

Да паездкі ў ЗША праект гродзенцаў быў накіраваны на дапамогу людзям у арганізацыі бюджэтных паездак і развіццё альтэрнатыўнага турызму. Пасля паездкі праект  стаў больш сацыяльна-накіраваным. У ЗША гродзенцы вырашылі памяняць канцэпцыю мабільнага дадатку і выбралі патэнцыяльнымі кліентамі прадстаўнікоў ЛГБТ-супольнасці.

“Кожны тыдзень у Нью-Ёрку мы павінны былі адпрацоўваць адну з ідэй і рухацца далей, калі яна не працуе, – распавядаюць стваральнікі дадатка Віктар і Юлія Семяняка. – У нашым выпадку мы павінны былі вызначыцца з патэнцыяльнымі кліентамі, бо немагчыма прадаць усё і для ўсіх. Кожны тыдзень мы сустракаліся з рознымі групамі людзей з падобнымі інтарэсамі і патрэбамі. Мы адпрацоўвалі групы студэнтаў, валанцёраў, каўчсерфераў і тых, хто звык падарожнічаць бюджэтна і шукаць альтэрнатыўныя варыянты арганізацыі адпачынку. Мы шмат часу праводзілі ў клубе Voyager, куды нас прынялі як удзельнікаў. У канцы – прэзентавалі нашы ідэі там жа і атрымалі шмат карысных парадаў, як выйсці на рынак у сферы турызму”.

Працуючы з патэнцыяльнымі карыстальнікамі сэрвісу, каманда зразумела – групы людзей такія вялікія, што цяжка вылучыць для іх адну агульную праблему, якую б дапамагаў вырашыць дадатак. У выніку вырашылі працаваць з людзьмі з ЛГБТ-супольнасці. Як аказалася, для іх пытанне бяспекі ў падарожжах заставаўся нявырашаным.

Знайшлі партнёраў у Нью-Ёрку

Віктар адзначае, што цяпер не ўсе прадстаўнікі ЛГБТ могуць дазволіць сабе бяспечныя гасцініцы ў падарожжы. Як правіла, гэта дарагія месцы. Зняць кватэру, не асцерагаючыся дыскрымінацыі і пераследу, таксама не так і проста.

“У Нью-Ёрку мы правялі апытанне і пазнаёміліся з лідэрамі ЛГБТ-супольнасці. Яны пацвердзілі нашы здагадкі”. Шмат хто казаў, што гарантыяй бяспекі можа быць турыстычная паслуга ад людзей, сяброўскіх ЛГБТ-супольнасці ці тых, хто адносіць сябе да яе. Апытанне высветліла, што нават у ЗША гэтая праблема не вырашана. У 30 штатах не праяўляюць талерантнасць да членаў супольнасці.

 

Посмотреть эту публикацию в Instagram

 

The BringMeGift it`s the first US mobile travel barter marketplace which serves the LGBTQ community. We increase safety, comfort, and link like minded community members from different countries. We use the Sharing Economy trend and try to overlap with many of the concepts of Couchsurfing. In the app people can offer/find travel services in exchange for similar offers and gifts, that are relevant for them. We are looking for LGBTQ influencers. We can offer a part time job. DM 📩 #lesbiana #transgender #influencerswanted #pridenews #influencermarketing #lgbt #lgbtq #lgbtq🌈 #lgbtqpride #lgbtquotes #lgbtqia #lgbtqrights #lgbtqpride #lesbian #lesbianvideo #lesbianas #gaysnap #gays #gaysingle #gaysian #job #workout #gaysnewyork #nyc #newyork

Публикация от LGBTQ travel App (@bringmegift)


“Існуе рэальная пагроза дыскрымінацыі і як следства, адсутнасць якаснага і бяспечнага сэрвісу. Пры падтрымцы нашага партнёра з ЛГБТ – супольнасці Нью-Ёрка, з якім мы заключылі кантракт, мы ўзяліся распрацоўваць ідэю бяспечнага падарожжа і ўносім неабходныя змены ў наш дадатак”.

Ёсць добры паказчык для інвестараў

Пасля паездкі ў ЗША, колькасць людзей, якія працуюць над дадаткам BringMeGift, павялічылася. Каманда стала міжнароднай. Разам з гродзенцамі над праектам працуюць прадстаўнікі  Аўстрыі, Чэхіі, Беларусі, Польшчы і ЗША.

“Калі гаворка ідзе пра бяспеку людзей, недарэчна казаць пра памер рынку і патэнцыйную выгаду  праекта. Але ўсё ж, нам патрэбны дадатковыя інвестыцыі, мы павінны вывучыць лічбы і сабраць падрабязную статыстыку. Напрыклад, па дадзеных глабальнай даследчай праграмы Out Now Global LGBT2030, якая апрацавала дадзеныя  130 000 удзельнікаў з 26 краін, мы атрымалі інфармацыю аб рынку ЛГБТ-супольнасці. Зараз ён складае $ 220 млрд у год і працягвае расці. Гэта добры паказчык для інвестараў. Першапачаткова мы былі зацікаўлены ў дапамозе пры арганізацыі бюджэтных паездак для любых груп людзей, але сёння наш праект набывае больш  глыбокую сацыяльную накіраванасць. Гаворка можа ісці аб 7-10% насельніцтва зямнога шара, якія па-ранейшаму сутыкаюцца з праблемай дыскрымінацыі праз прыналежнасці да ЛГБТ-супольнасці”.

Першая бартэрная пляцоўка для ЛГБТ-супольнасці

Гродзенская каманда ўжо вызначыла задачу на бліжэйшыя 6 месяцаў – аб’яднаць кірунак Сан-Францыска – Нью-Ёрк. Юлія адзначае, што ў гэтых амерыканскіх гарадах добра развіта падтрымка ЛГБТ-супольнасцяў.

 

Посмотреть эту публикацию в Instagram

 

BringMeGift – a new gay-friendly travel app for bartering housing, goods and services all over the globe. Trade or pay – using this application LGBTQ+ community members can get essential travel services: rental housing or transport, available meals and entertainment, shuttle services and tour guides, gifts and travel supplies from other cities and countries-provided by like-minded people. Exchange your interests, pay for the order, make a contract on your own terms, choose the best offer…you are the only one who makes the decisions! Negotiate, communicate and chat freely! Everything is simple and without intermediaries! BringMeGift – make your own choices, deals, and LGBTQ+ friendly travel experiences! 📩 #lesbiana #transgender #influencerswanted #pridenews #influencermarketing #lgbt #lgbtq #lgbtq🌈 #lgbtqpride #lgbtquotes #lgbtqia #lgbtqrights #lgbtqpride #lesbian #lesbianvideo #lesbianas #gaysnap #gays #gaysingle #gaysian #job #workout #gaysnewyork #nyc #newyork #lgbtnews #gaynews

Публикация от LGBTQ travel App (@bringmegift)

“На прыкладзе гэтых гарадоў мы прадэманструем магчымасці распрацаванага дадатку, магчымасці камунікацыі без страху і сумеснага адпачынку, атрыманне якаснага і бяспечнага сэрвісу. Хутка ў дадатку можна будзе дамовіцца з тым, хто сустрэне госця і пакажа горад ці пачастуе кавай. Калі, напрыклад, вы прафесійны гід, вы можаце аказваць паслугі за грошы, арганізоўваючы туры. Альбо вы можаце знайсці агульныя інтарэсы, дамовіцца на вашых умовах,  выкарыстоўваючы ідэю бартэру. Наш дадатак – гэта першая бартэрная пляцоўка для ЛГБТ-супольнасці”.

Адкрытыя да супрацоўніцтва

Віктар і Юлія спадзяюцца, што змены ў іх праекце BringMeGift будуць запатрабаваныя ў людзей ва ўсім свеце.

“Гэта будзе закрытая група ў дадатку з рэгістрацыяй па коду доступу. Атрымаць код можна будзе ў мясцовых ЛГБТ-цэнтрах, у адміністратараў груп або праз знаёмых. Мы ўжо будуем цесныя сувязі з мясцовымі ЛГБТ-цэнтрамі, ўплывовымі асобамі, блогерамі, пашыраючы нашу прысутнасць на рынку. Мы прапануем ўзаемавыгадныя ўмовы. Наша каманда вельмі гнуткая і адкрытая для абмеркавання інвестыцый і партнёрства”.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Раім пачытаць

Каментары

comments powered by HyperComments

Spelling error report

The following text will be sent to our editors: