Стогадовы гадзіннік з лютэранскай кірхі ўжо амаль адноўлены і чакае транспарціроўкі ў Гродна. Іх аднаўленнем на працягу года займаўся магілёўскі майстар Генадзь Галоўчык.
Сваю працу Генадзь падзяліў на тры этапы: першы — аднаўленне цыферблатаў, другі - аднаўленне механізму і даўкамплектацыя,
трэці - аднаўленне званарнага бою.
«Застаюцца чыста касметычныя працы. Усё асноўнае зроблена і чакае транспарціроўкі ў Гродна, — распавядае Генадзь. — Я спачатку прыеду, каб усталяваць цыферблаты, якія ўжо перадаў. Яны захоўваюцца ў сутарэнні кірхі. Думаю, усталюем іх ужо як будзе цёпла. З устаноўкай механізму ёсць праблемы. На вежы працякае дах — трэба спачатку яго адрамантаваць».
Генадзь Галоўчык паводле адукацыі інжынер. У Магілёве ў яго ёсць пасада — наглядчык гарадскога гадзінніка.
«Працаваць з гродзенскім гадзіннікам было цікава. Ужо набыты новы звон для механізму, у гэтым дапамог энтузіяст з Нямеччыны. Гэта практычна дакладная копія звона, які вісеў на кірсе 100 гадоў таму. Ён будзе вісець звонку будынка, над самім корпусам», — дадаў майстар.
Пастар лютэранскай кірхі ў Гродне Уладзімір Татарнікаў распавёў, што ўсталяваць гадзіннік паспрабуюць да лета 2020 года.
«Паспрабуем прымеркаваць гэту падзею да якога-небудзь свята. Можа фестывалю нацыянальных культур або Дня горада. Гэта будзе вялікая падзея для горада, бо мы аднавілі аўтэнтычны гадзіннік з кірхі. Ды і тым больш у 2020 годзе наша абшчына будзе адзначаць 25-годдзе вяртання храма вернікам».
Механізм вежавага гадзінніка на кірсе захаваўся да нашых дзён у добрым стане. Паводле папярэдніх ацэнак яго захаванасць складала 85%. Узрост гадзінніка — 106 гадоў, яго ўсталявалі на вежы ў 1913 годзе. Механізм спыніўся прыблізна ў 1944 годзе. Сёння ў Германіі ўсё яшчэ існуе фірма, якая ўсталёўвала гадзіннік у Гродне. Ініцыятарам і спонсарам рэстаўрацыі выступіў былы вернік кірхі, які жыве сёння ў Германіі.
Белавежская пушча сёння раздзеленая не на дзве, а насамрэч на тры часткі: беларускую, польскую і…
Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…
У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…
Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…
Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…
У 500 метрах ад плота, узведзенага на польскім баку мяжы з Беларуссю, стаіць вёска Азяраны…