Архітэктарка з Гродна Ганна Арлюк прыдумала, як сумясціць у цэнтры горада разнапланавыя грамадскія прасторы і дадаць новыя кропкі прыцягнення для гараджан і прыезджых. На яе думку, так можна ўнесці ў гарадскую сераду новыя актыўнасці без шкоды для гістарычнага кантэксту асяроддзя. Архітэктарка паказала свае эскізы Hrodna.life і распавяла, як гэтыя планы маглі б рэалізавацца ў гарадской прасторы.

Скласці новую «сістэму жыцця» Ганна прапануе ў раёне былой Гарадніцы.

«12 кропак» Ганны Арлюк

Архітэктарка прапануе арганізаваць у тых частках цэнтра, што не выкарыстоўваюцца, розныя актыўнасці.

архитекторка Анна Орлюк, Городница, Добры горад, урбанистика
Ганне Арлюк 24 гады. Яна выпускніца Беларускага нацыянальнага тэхнічнага ўніверсітэта (БНТУ) па спецыяльнасці «Архітэктура». Ганна — адна з заснавальніц урбаністычнай ініцыятывы «Добры горад / Good city», праекціроўшчык гарадскога праекта «Дбаю», эксперт сацыяльнага хакантона «Урбаністыка. Інфраструктура тэрыторый. Гарадское асяроддзе»

«Кропка 1» у яе праекце — рэчышча Гараднічанкі, пракладзенае па плошчы Леніна. Імітацыя страчанага рэчышча ракі або ўладкаванне тут фантана аб’яднае часткі Гарадніцы, падзеленыя вуліцай і сучаснымі будынкамі, лічыць Ганна.

Арт-куток, моладзевая прастора і Гараднічанка па плошчы Леніна. Гродзенка прапануе зрабіць цэнтр зручным для гараджан
Спосабы, якімі можна рэалізаваць імітацыю рэчышча ракі Гараднічанкі па плошчы Леніна

«Кропцы 4» адпавядае прастора «Актыўная» каля палаца Чацвярцінскіх у парку. Яна ажывіць тэрыторыю, доўгі час закрытую для гараджан.

У «Кропцы 7», на тэрыторыі задняга двара Дома афіцэраў, праект Ганны прадугледжвае прастору «Маладзёжную». Яна можа стаць месцам для фотасесій і адпачынку. Тут таксама могуць быць запатрабаваныя фудтракі або іншыя аб’екты грамадскага харчавання.

Дваровая тэрыторыя «Кропкі 10» можа стаць грамадскімі агародамі і генераваць «ціхую» актыўнасць. Карыстацца імі могуць не толькі жыхары гэтага двара, але і ўвесь горад. Каля выставачнай залы мог бы з’явіцца «Арт-кут» — «Кропка-11».

Вид одной из улиц района бывшей Городницы в проекте Анны Орлюк
Выгляд адной з вуліц раёна былой Гарадніцы ў праекце Ганны Арлюк

«Заўсёды хацела зрабіць горад лепшым»

«Ідэя працы з Гродна ў мяне была яшчэ з самага пачатку навучання. Я заўсёды любіла свой родны горад і хацела зрабіць яго яшчэ лепш», — кажа Ганна. Ва ўніверсітэце яна часта выбірала для курсавых праектаў аб’екты і месцы з Гродна. Да часу дыплома ў яе ўжо сабралася шмат напрацовак.

«Тэму для дыпломнага праекта я выбірала не доўга. Дакладна ведала, што гэта будзе рэканструкцыя. Думала, што з цэнтрам могуць быць складанасці з-за прыналежнасці тэрыторыі да зоны аховы гісторыка-культурных каштоўнасцяў і існуючага ландшафту. Але ў ходзе работы з дыпломным кіраўніком і дзякуючы практыцы ў УП „БелНДІПгорадабудаўніцтва“, мне лёгка ўдалося вырашыць гэтыя пытанні».

Вид района Городница в проекте Анны Орлюк
Выгляд Гарадніцы ў праекце Ганны Арлюк

Праект гродзенкі атрымаў добрыя водгукі экспертаў з УП «БЕЛНДІПГОРАДАБУДАЎНІЦТВА», дзе Ганна праходзіла дыпломную практыку. Акурат у гэты час тут ішлі работы па распрацоўцы дэталёвага плана гістарычнага цэнтра Гродна з праектам рэгенерацыі і забудовы. Архітэктары з УП «МінскГрада» напісалі ў рэцэнзіі, што праект варта выкарыстоўваць пры распрацоўцы стратэгіі развіцця Гродна.

Совмещение проекта Анны Орлюк с исторической планировкой района Городница
Сумяшчэнне праекта Ганны Арлюк з гістарычнай планіроўкай Гарадніцы

«Гэтыя прапановы не патрабуюць глабальных змен на тэрыторыі цэнтра. Яны могуць быць рэалізаваны з дапамогай адміністрацыі горада, бізнесу і неабыякавых грамадзян. Галоўнае — каб людзі ўбачылі сэнс у зменах. Таму што адно пазітыўнае змяненне цягне за сабой іншае. Для гэтага я і стварала праект — каб прымяніць яго для нашага горада і нашай сітуацыі».

Чытай таксама:

Рэдактарка спецпраектаў, рэпарцёрка, фатографка і відэографка. У журналістыцы з 2015 года. Удзельнічала ў распрацоўцы канцэпцыі рэбрэндынгу выдання «Твой стыль» і стварэнні «Hrodna.life». Паводле адукацыі Ірына інжынер-механік, таму не цураецца тэхнічна-складаных фарматаў.

Найчасцей піша сацыяльныя рэпартажы. Любімая справа — вынаходзіць ровар і ставіць амбітныя мэты для ўсіх, хто не паспеў схавацца.

Матэрыялы Ірыны Новік былі адзначаны дыпломамі многіх конкурсаў.