«У барадзе ўся сіла». Гродзенцы распавялі, чаму вырашылі насіць бараду

Артур пачаў гадаваць бараду з цікаўнасці, Сяргей дзеля барады памяняў працу, Алегу прыйшлося выбіраць паміж барадой і пацалункамі жонкі. У Сусветны дзень барады, 3 верасня, Hrodna.life спытаў у сваіх барадатых чытачоў, чаму яны вырашылі насіць бароды.

Артур: без барады — пудзіла нейкае

Артур заўсёды хацеў бараду, бо было цікава. «Цяпер я зусім не магу ўявіць сябе без яе», — кажа гродзенец.

Малады чалавек распавёў, што раней барада была нашмат карацейшай. А аднойчы ён яе няўдала падраўняў так, што прыйшлося цалкам пагаліцца.

«З мяне сябры і знаёмыя смяяліся пасля гэтага, капец, — кажа Артур. — І яны маюць рацыю — з люстэрка на мяне пудзіла нейкае глядзела».

Малады чалавек быў рады таму, што барада ў яго расце хутка і гэты «жах» неўзабаве скончыўся.

Жадання згаліць бараду ў Артура ні разу не з’яўлялася, а даглядаць за ёй, па словах хлопца, няма ніякіх праблем: «Раз на месяц хаджу ў барбершоп».

Чытайце таксама: Барберы, цирюльники, парикмахеры — кто кого лечил и стриг в Гродно 400 лет назад

Сяргей: усё жыццё марыў пра бараду

«Я заўсёды зайздросціў барадатым мужыкам і сам усё жыццё марыў аб барадзе, але праца не дазваляла — і я паслаў яе», — распавёў Hrodna.life Сяргей.

Толькі вось добрай барады, на думку Сяргея, у яго няма. «Глупства нейкае расце, але лепш быць мужыком з такой барадой, чым ср*кай смаўжа, — кажа гродзенец. — Ад барады ніколі не адмоўлюся, якая ёсць, такая ёсць».

Малады чалавек распавёў, што без барады ўжо не ўяўляе сябе. «А дачка мая, наогул, напэўна мяне не прызнала б».

Барада становіцца з часам гушцейшай і даўжэйшай, чаму Сяргей рады. «Хутка буду касу на патыліцы і касу на барадзе заплятаць».

Алег: гэта быў эксперымент

Адзін з чытачоў у апытанні Нrodna.life коратка напісаў: «У барадзе ўся сіла». Алег з гэтым цалкам згаджаецца.

«Гэта быў проста эксперымент. А потым я вырашыў, што мне гэта нават пасуе, і жонцы спадабалася, — распавёў Алег пра тое, чаму вырашыў адпусціць бараду. — Толькі не хоча цалавацца праз бараду».

Гродзенец носіць бараду ўжо дзесяць гадоў. Па яго словах, даглядаць не складана, але трэба гэта рабіць кожны дзень.

Пару разоў Алег спрабаваў цалкам пагаліцца, але потым з цяжкасцю сябе пазнаваў. «Барада сур’ёзна змяняе знешнасць».

Алег распавёў, што, з аднаго боку, з барадой можна не галіцца штодзень, а з другога — трэба сачыць, каб валасы не раслі кудлатымі.

«Усё роўна трэба кожны дзень круціцца перад люстэркам, падстрыгаць, прычэсваць. Самому сабе гэта складана рабіць, бо не з усіх бакоў відаць, дзе тырчыць і ці роўна».

Гродзенец ходзіць у барбершоп два разы на месяц, каб паправілі. «Гэты як з валасамі: чым яны даўжэй, тым больш з імі марокі», — сказаў Алег.

Чытайце таксама: Як адрасціць прыгожую бараду ў хатніх умовах? Парады ад барбершопа Pride

Барбер: у барбершоп — кожныя два-тры тыдні

Гродзенскі барбер Аляксандр распавёў Hrodna.life, што рабіць, каб барада выглядала дагледжанай:

«Раніцай трэба мыць бараду з шампунем для барады і кандыцыянерам, высушыць і выкарыстоўваць бальзам або алей для барады, затым расчасаць шчоткай для барады. І вядома ж, наведваць барбершоп праз два-тры тыдні».

Чытайце таксама: «Борода — не показатель». Бородатые из Гродно репетировали Хэллоуин, чтобы помочь детям

З беларускай касметыкі мы знайшлі толькі гель-стайлінг «нябачная фіксацыя для валасоў і барады»

Гель-стайлінг дысцыплінуе валасы, дазваляе мадэляваць і фіксаваць прычоску і выразна акрэсленую форму барады. Хутка высыхае, не пакідае адчуванні ліпкасці. Пасуе для непаслухмяных валасоў, кароткіх і доўгіх стрыжак, а таксама для ўкладкі барады і вусаў. Ледніковая вада і D-пантэнол даглядаюць за валасамі, увільгатняюць іх і змякчаюць.

Падзяліцца
Меткі: мода

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025