Гістарычны забег пройдзе ў Гродне 27 мая. На яго ўжо зарэгістраваліся больш за 400 удзельнікаў. Яны прабягуць па 10 ці 5 кіламетраў па знакамітым гродзенскім бруку старадаўніх вулачак. Кожны, хто фінішуе, атрымае памятны медаль з выявай Новага замку. Чытачы Hrodna.life маюць шанец атрымаць фірмовую цішотку забега. Для гэтага трэба паўдзельнічаць у конкурсе сэлфі.
Не толькі спорт
Тое, што на «дзесятку» можа прабегчы толькі прафесійны спартсмен, не больш чым стэрэатып, лічыць Уладзімір Рудзевіч, тэхнічны кіраўнік Першай таймінгкампаніі, што разам з аблспортам арганізуе забег.
«Зараз аматарскія спартовыя мерапрыемствы набіраюць папулярнасць. Людзі пераадольваюць тыповую памылку абывацеля — што калі я не выграю, то навошта і ўдзельнічаць. Гэта як білет на канцэрт, толькі ты ў галоўнай ролі. Мы самі ствараем сабе свята і атрымліваем ад гэтага задавальненне».
Падцвярджае тое і ўзрост удзельнікаў - самаму малодшаму сярод дарослых — 14 гадоў, самаму сталаму — 81. Пакуль перавагу маюць мужчыны. Іх зарэгістравалася 277, жанчын — 131. Каб забег быў цікавым для як мага больш шырокага кола аматараў бегу, сёлета ён дапоўніцца і дзіцячымі стартамі. У іх могуць паўдзельнічаць дзеці ад 6 да 11 гадоў. Кожны з іх атрымае сувеніры ад арганізатараў.
Дарослыя бегуны атрымаюць на фінішы памятныя медалі. Летась на рэверсе медаля была Каложская царква, сёлета будзе Новы замак. Кожны год на медалі будзе размяшчацца іншая гістарычная цікавостка Гродна. Такім чынам, пастаянныя ўдзельнікі забегу змогуць сабраць усю гістарычную архітэктуру Гродна ў калекцыю.
Бязвізавая геаграфія
Сёлетні забег удвая перавысіў мінулагодні па колькасці ўдзельнікаў і значна пашырыў геаграфію. Разам з беларусамі трасу «Гарадзенскай вандроўкі» збіраюцца пераадолець расіяне, літоўцы, латышы, палякі, украінцы і нават італьянец.
Замежнікам цікава прыязджаць на адметныя спартыўныя мерапрыемствы. Аб’яднанне гісторыі і спорту аказалася добрай ідэяй.
«Колькасць замежнікаў сёлета значна павялічылася. Але і гэта - не мяжа магчымасцяў. Проста здалёк цікавей ехаць на больш доўгія забегі. Думаю, што з часам і «Гарадзенская вандроўка"можа падоўжыцца. У нас шмат амбітных планаў, як можна развіваць спартыўны турызм ў нашым горадзе», — кажа Рудзевіч.
Самая іннавацыйная
Для таго, каб «Гродзенская вандроўка» стала не толькі гістарычнай, але і самай іннавацыйнай, таксама ёсць усе падставы. Першая таймінгкампанія мае досвед у арганізацыі падобных мерапрыемстваў. Яе спецыялісты арганізоўвалі хранаметраж на Мінскім паўмарафоне, Маскоўскім і Астанінскім марафонах, Кубку Еўропы ў Мінску і іншых. Ужо хараз тэхнічнае суправаджэнне «Вандроўкі» дазволіць кожнаму ўдзельніку атрымаць відэа са сваім удзелам, на тэлефон адразу пасля фінішу - вынікі. «Вандроўка будзе ўдасканальвацца, каб усе іннавацыі спорта, каторымі мы займаемся, упершыню прымяняліся ў Гродне».
Прызы і падарункі
Усе ўдзельнікі «Гарадзенскай вандроўкі» стануць адначасова і ўдзельнікамі розыгрыша спартыўных гаджэтаў ад партнёраў мерапрыемства. Чытачы Hrodna.life таксама маюць шанец атрымаць падарунак — фірмовую цішотку забегу. Для гэтага трэба зрабіць сэлфі з бегунамі ў горадзе і размясціць здымак у каментарах да артыкула. Двое пераможцаў вызначацца лёсаваннем.
У вас вылетела коленная чашечка? Вы неудачно упали? Узнайте, почему это происходит, какие существует методы лечения на портале lechisustavv.ru. Берегите свое здоровье и обращайте внимание на малейшие сигналы, которые посылает вам ваш организм, чтобы дожить здоровым до глубокой старости.
