Жыхар Ашмянаў выпіваў са знаёмым і ў двары суседняга дома заўважыў трактар «Беларус». 27-гадовы мужчына вырашыў скрасці трактар - гэта стала магчымым, таму што механізатар пакінуў кабіну адкрытай, як і ключ запальвання ў замку. Аб тым, як далей развіваліся падзеі, піша УВД Гродзенскага аблвыканкама.
Крадзеж не атрымаўся – трактар засеў ў нестабільным грунце. Угоншчык вярнуўся да таварыша і працягнуў выпіваць. Але супрацоўнікі Ашмянскага РАУС зразумелі, што адбылося, затрымалі мужчыну і распачалі крымінальную справу за ўгон.
Міліцыя таксама звяртае ўвагу на безадказныя дзеянні механізатара – той нават не ведаў, што трактар спрабавалі скрасці.
Чытайце таксама: Школьнікі Ліды зігавалі на пераменах – імі зацікавілася міліцыя
