Пад Гродна адкрылі «Гарадзенскі бровар», дзе вараць чатыры гатункі піва. Яно прадаецца пад маркай «Городенское». Знайсці яго можна ў фірмовай краме.
«Мы варым крафтавае піва, натхнёнае традыцыямі і мясцовым смакам. У нас кожны гатунак — гэта гісторыя, характар і душа. Пакаштуйце наш пенны напой і станьце часткай нашай піўной сям'і!» — пішуць стваральнікі.
Прыватны бровар знаходзіцца пад Скідзелем. Пакуль зварылі чатыры гатункі - венскі лагер, пшанічнае піва, браўн эль і хелес.
Купіць яго можна ў фірмовай краме па вул. Кабяка, 26 У ГЦ «Маяк» з 13.00 па 22.00. На сайце your.beer відаць, што пакуль даступна «Городенское пшеничное»: 0,5 літра абыйдзецца ў 4,3 рубля. У сацыяльнай сетцы untappd піву даюць ад 3,5 да 5 балаў па пяцібальнай шкале.
Пасля закрыцця гродзенскага піўзавода піваварства ў Гродне было прадстаўлена аматарамі, якія вараць напой для сябе і блізкіх. Пазней з’явіўся рэстаран-бровар «Гости». Пасля рэканструкцыі комплексу піўзавода там з’явіцца свой бровар.
