Ілюстратыўнае фота. З архіву Hrodna.life
Больш за 630 тысяч чалавек наведалі кінатэатры ў Гродзенскай вобласці за 2024 год. Па словах чыноўнікаў, у топы праглядаў патрапіў прапагандысцкі фільм пра дзяржаўныя сімвалы «Культурны код» і ваенная драма «Час вярнуцца».
Таксама жыхары вобласці ахвотна глядзелі расійскія фільмы «Майстар і Маргарыта» і «Халоп».
Работы, знятыя на «Беларусьфільме», паглядзела «рэкордная колькасць гледачоў», распавёў «Гродзенскай праўдзе» гендырэктар «Гроднааблкінавідэапракат» Леанід Гашко.
Паводле яго слоў, на фільм «Культурны код» прыйшло 39 тыс. чалавек. «Час вярнуцца» паглядзела больш за 35 тыс. гледачоў.
Гашко таксама згадвае дакументальныя фільмы. Напрыклад, «Птушка фенікс Аляксея Талая» і праект кінастудыі «Асобы ў гісторыі», дзе першы фільм прысвяцілі ветэрану ВАВ Валянціне Баранавай. Колькасць гледачоў, якія паглядзелі гэтыя фільмы ў кіно, Гашко не паведамляе.
Пры гэтым на асобныя сеансы «Культурнага кода» ў верасні 2024 года не прадалі ніводнага білета. На іншыя цэнтралізавана выкуплялі цэлыя шэрагі дзяржаўных структур. Гэта сведчыць аб прымяненні адміністрацыйнага рэсурсу, то бок гледачы не ішлі на фільм добраахвотна.
Чытайце таксама: На паказ фільма «Культурны код» у Гродне не прадалі ніводнага білета
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…
Брацкую магілу ў парку Жылібера ў Гродне і помнік на магіле Невядомага Салдата ў Навагрудку…