Нерухомасць тыдня: прадаецца кватэра на 10 паверсе, уся аздобленая цэглай

Аднапакаёвая кватэра для аматараў незвычайных інтэр'ераў прадаецца на Вішняўцы. Усе сцены ў ёй аздоблены цэглай — выглядае дастаткова стыльна.

Кватэра знаходзіцца на 10 паверсе 19-павярховага дома 2015 года пабудовы па вул. Крамко, 25 (мікрараён Вішнявец-7). Агульная плошча кватэры — 46,1 кв. м, з іх жылая — 19 кв. м, а 10,5 кв. м займае кухня. У кватэры выкананы дызайнерскі рамонт, ёсць мэбля, бытавая тэхніка. Санвузел сумешчаны, ёсць таксама калідор і зашклёная лоджыя, з якой відаць поле і лес.

Сцены кватэры аздоблены цэглай, стыль дапаўняюць лофтавыя паліцы і стэлаж.

Дом маналітны. У ім усталявана два ліфты, сістэма відэаназірання і дамафон. На першым паверсе ёсць стаматалогія, дзіцячы клуб і пункт выдачы Wildberries. У крокавай даступнасці - гандлёва-забаўляльны цэнтр Triniti, паліклініка, школа, дзіцячыя садкі, пошта і міні-рынак. Прыдамавая паркоўка закрыта шлагбаумам.

Кошт кватэры — $ 52 000.

Чытайце таксама:

• Нерухомасць тыдня: насупраць Triniti прадаюць кватэру ў мінімалістычным стылі з элементамі скандынаўскага дызайну
• Нерухомасць тыдня: у цэнтры Гродна прадаецца ўтульная «двушка» са спальняй-акварыумам
• Расіяне прадаюць бізнесы і нерухомасць, каб купіць кватэру ў новым ЖК у Гродна