Драмтэатр у Гродне. Фота: Hrodna.life
Гродзенскі абласны драмтэатр шукае дзевяць новых супрацоўнікаў. Палова вакансій звязана з кіруючымі пасадамі. На недахоп кадраў ва ўстанове звярнуў увагу былы акцёр Тэатра лялек і шоумен Аляксандр Енджэеўскі - скрыншот з вакансіямі ён апублікаваў у сваім Instagram.
У тэатр патрабуюцца намеснік дырэктара па адміністрацыйна-гаспадарчай дзейнасці, галоўны рэжысёр, галоўны мастак, галоўны бухгалтар, мастак па свеце, інжынер-энергетык, інжынер па пажарнай бяспецы, машыніст сцэны і прыбіральнік памяшканняў.
Спіс вакансій з’явіўся на сайце тэатра, а таксама ў Агульнарэспубліканскім банку вакансій.
Чытайце таксама: Былыя акторы Гродзенскага драмтэатра паставілі спектакль пра досвед дзяцей палітвязняў
Пасада намесніка дырэктара тэатра вакантная з верасня 2024 года. Тады Дзмітрыя Чыліка, які займаў гэтую пасаду, пачалі судзіць за хабар, а ягоныя дадзеныя зніклі з сайта тэатра. У выніку Чыліку прысудзілі пяць гадоў калоніі на падставе арт. 430 ч. 2 КК (атрыманне хабару ў буйным памеры).
Галоўнага рэжысёра для тэатра не могуць знайсці ўжо пяць гадоў. У 2020 годзе пасля двух вымоваў звольнілі галоўнага рэжысёра Генадзя Мушперта і рэжысёра-пастаноўшчыка Сяргея Курыленку. Неўзабаве на замену Курыленку са Слоніма прыйшоў Сяргей Яскевіч.
Чытайце таксама: Чаму ў Гродне стала складана знайсці супрацоўнікаў культуры?
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…