Ваенны камісарыят г. Гродна і Гродзенскага раёна. Фота: Яндэкс.Карты
Хлопец не з’явіўся па позве ў ваенкамат. Супраць яго завялі крымінальную справу, але прыпынілі, пакуль ён быў у вышуку. У 2024 гродзенец прыехаў у Беларусь — і трапіў пад суд. А восенню 2024 года ў Гродне на прызыў не з’явіліся 26 чалавек.
Малады чалавек быў на ўліку ў ваенкамаце. У 2023 годзе ён атрымаў паведамленні аб праходжанні тэрміновай службы, прайшоў медыцынскае абследаванне і быў прызнаны прыдатным для службы ў войску. Атрымаўшы позву, гродзенец не прыйшоў у ваенкамат і не даслаў ніякіх апраўдальных дакументаў, расказалі на «Гродно Плюс» са спасылкай на матэрыялы справы.
Крымінальную справу па ч. 1 арт. 435 (ухіленне ад мерапрыемстваў па прызыве на вайсковую службу) завялі, але яе давялося прыпыніць, пакуль хлопец быў у вышуку. У 2024 годзе ён «аб'явіўся на тэрыторыі Рэспублікі Беларусь» і быў затрыманы. Справу разглядаў суд Ленінскага раёна на выязным пасяджэнні ў ваенным камісарыяце Гродна і Гродзенскага раёна. На судзе малады чалавек прызнаў віну і раскаяўся, але атрымаў паўтара гады абмежавання волі з накіраваннем у папраўчую ўстанову адкрытага тыпу. Пасля гэтага яму ўсё роўна давядзецца адслужыць у войску.
Пасля восеньскага прызыву на тэрміновую ваенную службу і службу ў рэзерве ў 2024 годзе крымінальныя справы па ч. 1 ст. 435 распачалі супраць яшчэ 18 чалавек. Усяго ж у Гродне на прызыў не з’явіліся 26 чалавек, якія атрымалі позвы пад асабісты подпіс. Матэрыялы ў адносінах да іх накіравалі ў тэрытарыяльныя органы ўнутраных спраў для праверкі і працэсуальнай ацэнкі.
Апраўдальныя дакументы таксама не заўсёды змяняюць сітуацыю. Так, у 2023 годзе ў Лідзе хлопец падчас прызыву ўзяў бальнічны і спрабаваў выправіць перагародку ў носе. У гэтым убачылі намер на ўхіленне ад прызыву і асудзілі яго на год «хіміі».
23-гадоваму смаргонцу ўручылі ў 2022 годзе позву на праходжанне медкамісіі. Ён не прыйшоў, рэгулярна мяняў нумары тэлефона, адрасы, і нідзе не працаваў афіцыйна. Яго затрымалі ў лютым 2023 года ў Мінску і далі два гады «хіміі», але год скасавалі праз амністыю ў гонар Дня народнага адзінства.
Чытайце таксама: «Любая дзедаўшчына скончылася б трагедыяй». Як гродзенцы «касілі» ад войска
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…
