Вадим Ермашук. Скриншот Hrodna.life с YouTube-канала "Мы вернемся"
Камінг-аўт гродзенскага блогера і былога палітвязня Вадзіма Ермашука быў гвалтоўным. Сілавікі таемна знялі сэкс Вадзімаці з яго партнёрам, але даведаўся пра гэта гродзенец толькі ў ІЧУ. Пра гэта Ермашук распавёў у інтэрв'ю на YouTube-канале «Мы вернемся».
Аўтынг — гэта вымушаны або гвалтоўны камінг-аўт, калі грамадства, сям’я ці блізкія даведваюцца аб арыентацыі ЛГБТК+ персон супраць іх волі.
Да заключэння Вадзімаці адкрыта не заяўляў аб сваёй арыентацыі. Аднак, як тлумачыць сам, «гуляў у Instagram і падтрымліваў ЛГБТ». Блогер мяркуе, што сілавікі загадзя паставілі камеру ў кватэры, каб сачыць за яго асабістым жыццём, а пасля выкарыстоўваць сабраныя матэрыялы для шантажу.
Пра зняты з партнёрам сэкс Ермашук даведаўся, калі трапіў у ІЧУ. Аўтынг стаў прычынай таго, што праз пяць дзён знаходжання ў калоніі гродзенец атрымаў так званы «нізкі сацыяльны статус».
«Здзекі былі маральныя. Да мяне падышоў «смотрящий» і сказаў: «Вадзім, ты толькі маўчы. Прашу цябе. Мы да цябе лезці не будзем, але са статусу мы цябе перавесці не можам», — успамінае стаўленне да сябе ў калоніі Вадзім.
Вадзіма затрымалі 16 жніўня 2021 года ў Шчучыне, дзе ён здымаў для свайго блога ролік пра мясцовы скейт-парк. Яго змясцілі ў ізалятар і чатыры разы судзілі па адміністрацыйных артыкулах: за «заклік да несанкцыянаванага масавага мерапрыемства», «паклёп на супрацоўнікаў ЖКГ і гарвыканкама, а таксама за «распаўсюд інфармацыйнай прадукцыі, якая змяшчае заклікі да экстрэмісцкай дзейнасці».
Пакуль Ермашук быў у ізалятары, на яго завялі дзве крымінальных справы. Першая — здзек з дзяржаўных сімвалаў (арт.370), другая — абраза прэзідэнта (арт.368). Па іх Ермашука асудзілі 21 снежня 2021 года на тры гады пазбаўлення волі у калоніі агульнага рэжыму.
Ермашук выйшаў на волю у чэрвені 2024, знайшоў працу на рынке «Карона». У лістападзе 2024 года суд Ленінскага раёна Гродна прызнаў Instagram блогера «экстрэмісцкімі матэрыяламі». Яшчэ да суда блогер выдаліў яго, а пасля ад’езду з Беларусі аднавіў пад нікам ermakdimati.
Зараз Вадзімаці жыве ў вымушанай эміграцыі ў Польшчы.
Чытайце таксама: Блогер Вадзімаці распавёў, як яго выдавілі з Беларусі і пры чым тут Бондарава
Будаўніцтва комплексу "Роял Парк" ідзе на вуліцы Камунальнай, недалёка ад стадыёна "Нёман" і Лядовага палаца.…
Супрацоўнікі агенцтва нерухомасці "Цэнтр жылля" пацікавіліся ў гродзенцаў, у якім раёне тыя не купілі б…
Флігель, які раней быў бібліятэкай Храптовічаў, выставілі на продаж. Адпаведная інфармацыя з’явілася на сайце Дзяржаўнага…
Старшыня Гродзенскага аблвыканкама Уладзімір Каранік святкуе 8 студзеня свой Дзень народзін - чыноўніку споўнілася 52…
Старшыня грамадскага аб'яднання "Рэспубліканскі турысцка-спартыўны саюз" і кіраўнік кампаніі "Нямнова-Тур" Сяргей Іванавіч Каляда памёр 6…
Калекцыянер Матэвуш Рыдзеўскі на гарышчы старога дома ў Беластоку знайшоў мноства абгортак для цукерак, надрукаваных…