Кафэ каля міні-рынка "Дзевятоўка". Фота: newgrodno.by
Кафэ, якое пачалі будаваць на Дзевятоўцы вясной 2024, ужо амаль гатовае. Але будпляцоўка ўсё яшчэ абгароджана. Параўналі пабудову з візуалізацыямі, якія паказваў забудоўшчык у 2022 годзе.
Па праекце ў аднапавярховым будынку кафэ павінны працаваць дзве залы: на 55 і 40 чалавек. Побач уладкавалі 19 парковачных месцаў, уключаючы адно для людзей з інваліднасцю. Уздоўж фасадаў з боку Дзяржынскага і Курчатава павінны з’явіцца прагулачныя зоны з месцамі для летняй мэблі.
Фатаграфіі з будпляцоўкі апублікаваў NewGrodno.by.
Вынік, улічваючы, што кафэ яшчэ не дабудавана, атрымаўся вельмі падобным да запланаванага ў праекце.
Участак пад кафэ купіла ў сакавіку 2022 года мінская фірма. У жніўні-верасні таго ж года прайшлі грамадскія абмеркаванні.
Улетку 2024 года ў забудоўшчыка здарыўся канфлікт з жыхарамі суседняга дома. Тыя былі незадаволеныя, што праз іх двор праводзілі цеплавыя сеткі. З-за гэтага пацярпелі дзіцячая пляцоўка, паркоўка і зялёныя насаджэнні. Аказалася, што ўсе працы праводзіліся законна, а дазволу ад таварыства ўласнікаў атрымліваць не патрабавалася. Інвестар паабяцаў пасля заканчэння работ аднавіць добраўпарадкаванне ў поўным аб’ёме: тратуарныя дарожкі, газон і перасаджаныя зялёныя насаджэнні. А калі апошнія загінуць — то правесці кампенсаторныя пасадкі.
На пешаходных дарожках па вул. Дамброўскага ў Гродне з'явіцца асвятленне. Работы збіраюцца правесці з сярэдзіны…
На некалькіх міжгародніх маршрутах Гродзенскай вобласці ўпершыню з'явілася магчымасць заплаціць за праезд у маршрутцы карткай.…
Гродзенец Сяргей Цераховіч працаваў на беларуска-польскай мяжы ў пункце пропуску «Брузгі». Зараз яму пагражае да…
У Гродзенскім дзяржаўным універсітэце імя Янкі Купалы прайшла сустрэча з прадстаўніком Чувашскага дзяржаўнага ўніверсітэта імя…
Палітэмігрантцы Іне Шырокай у Беларусі вырашылі узмацніць пакаранне. Палітвязня Дзяніса Івашына пазбавілі тэлефоннага званка. У…
Агонь не будзе гарэць з лютага па красавік. Гэта звязана з рамонтам на брацкай магіле…