Ілюстрацыйнае фота pixabay.com
Сабралі спіс тых у Гродзенскай вобласці, хто не перажыў 2024 год: ад беларускіх дзеячаў старэйшага ўзросту да маладых палітэмігрантаў.
Заслужанаму работніку Беларусі, кандыдату сельскагаспадарчых навук, кіраўніку вядомага на ўсю Беларусь паспяховага калгаса «Прагрэс-Верцялішкі» пад Гроднам было 75 гадоў. Пра смерць Васіля Афанасьевіча Равякі паведаміў канал аблвыканкама «Пул 4 регион».
Пасля запланаванай аперацыі ў Ваўкавыску памёр Мікалай Аксаміт — былы дэпутат БНФ у Вярхоўным Савеце 12-га склікання. Ён галасаваў за незалежнасць Беларусі ў 1991 і пратэставаў супраць лукашэнкаўскага рэферэндуму ў 1995. Яму было 69 гадоў.
Алена Міронаўна Ашурак, маці загінулага ў калоніі палітвязня Вітольда Ашурка, памерла 27 траўня. Яна перажыла сына на тры гады. У апошнія гады здароўе Алены Ашурак пагоршыўся. Ёй было цяжка хадзіць, у тым ліку наведваць магілу сына ў Бярозаўцы. Яна памерла ва ўзросце 86 гадоў.
Памёр мастак з Росі (Ваўкавыскі раён) Мікола Крукаў. Сёлета яму мусіла споўніцца 65 гадоў. Пра смерць творцы 14 красавіка 2024 года паведаміў гродзенскі мастак Сяргей Грыневіч на сваёй старонцы ў Facebook. Мікола Крукаў нарадзіўся 5 жніўня 1959 года. Мастак жыў і працаваў у мястэчку Рось. Адзін з вядомых твораў Крукава — партрэт «Генерал Булак-Балаховіч».
Часоваму выканаўцу абавязкаў пасла Беларусі ў Літве ўручылі ноту пратэсту ў сувязі са смерцю грамадзяніна Літвы Н.Р. у беларускім СІЗА. Смерць магла наступіць праз адсутнасць медычнай дапамогі, лічаць у Міністэрстве замежных спраў Літвы.
30 студзеня памёр гродзенец Аляксандр Куваннікаў. Ён з’ехаў у Польшчу праз патэнцыйны палітычны пераслед і жыў у Быдгашчы. У 2020 годзе ён быў адзіным, хто сыйшоў у стачку на тытунёвай фабрыцы. Аб смерці паведамілі яго сябры і напісалі ў чатах беларусаў замежжа.
Беларускі скульптар Генадзь Васільевіч Буралкін пайшоў з жыцця 2 студзеня. У лютым яму мусіла б споўніцца 83 гады. Буралкін — аўтар многіх вядомых у Беларусі манументаў, у тым ліку і ў Гродне.
Кандыдат медыцынскіх навук, дацэнт Святаслаў Эдуардавіч Савіцкі пайшоў з жыцця 11 студзеня, на 62 годзе жыцця. Ён кіраваў абласной бальніцай 10 гадоў, а ў медыцыне адпрацаваў амаль 40 гадоў.
У Варшаве памерла 18-гадовая Елізавета Брылеўская, якой у траўні 2024 года збіралі грошы на лячэнне. Пра гэта паведаміла дабрачынная ўстанова KinderVita.
Яна памерла 21 траўня. Паэтка нарадзілася ў вёсцы Копці Дзятлаўскага раёна. Скончыла філфак БДУ. Працавала ў школе, музеі Максіма Багдановіча, бібліятэцы імя Я.Карскага. Была членам Саюза беларускіх пісьменнікаў. Друкавалася ў літаратурных альманахах, газетах і часопісах. Выдавала паэтычныя зборнікі, паведамляе «Беларускае радыё Рацыя».
13 снежня ў Слоніме памёр Пётр Бурсевіч, беларускі мастак, паэт, паведамляе «Беларускае радыё Рацыя». Яму было 88 гадоў. Працаваў у СШ № 4 Слоніма настаўнікам чарчэння і малявання, вёў гурток у Доме піянераў. Да таленавітага мастака прыходзілі вучыцца маляванню вучні і з іншых школ. Затым была праца афарміцелем на прадпрыемствах горада.
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…
Гродзенскі гісторык Мечыслаў Супрон вызначыў, з якога ракурсу Напалеон Орда зрабіў адзін са сваіх гродзенскіх…