Навіны

Беларускія навукоўцы раскрытыкавалі рэканструкцыю твару старажытнага чалавека, які жыў пад Ваўкавыскам

У канцы снежня ў сацыяльнай сетцы X антраполагі прадставілі рэканструкцыю твару чалавека, які жыў прыкладна 4000 год таму на тэрыторыі Ваўкавыскага раёна. Аднак беларускія спецыялісты мяркуюць, што рэканструкцыя выканана аматарам і не нясе навуковага інтарэсу.

Акаўнт пад назвай Ancestral Whispers у сацсетцы Х публікуе рэканструкцыі знешняга выгляду старажытных людзей па чарапах, а таксама іншыя археалагічныя і антрапалагічныя матэрыялы.

У публікацыі Ancestral Whispers мяркуецца, што рэканструяваны чалавек жыў у перыяд паміж 2100 і 1500 гадамі да нашай эры і належаў да культуры шнуравой кераміцы.

«Антрапалагічна ён паказвае высокую ступень пераемнасці і належаў да таго ж тыпу, што і чэрапы серыі з Навагрудка XI стагоддзя нашай эры», — паведамлялася ў публікацыі.

Рэканструкцыю асобы старажытнага беларуса зрабілі яшчэ ў СССР

«Астанкі маладога мужчыны, якія паслужылі для рэканструкцыі, былі знойдзены ў 1962 годзе археолагам Міхаілам Чарняўскім на месцы старажытных крэмнездабыўных шахт каля пасёлка Краснасельскі», — распавёў Sputnik навуковы супрацоўнік аддзела антрапалогіі Мікалай Памазанаў.

Паводле яго слоў, гэтыя астанкі вывучала антраполаг Інэса Салівон у пачатку 1970-х гадоў. Рэканструкцыю знешнасці правялі яшчэ ў 1980-х гадах. Непасрэдна рэканструкцыяй займаліся антраполаг Ігар Чаквін і скульптар Леанід Яшэнка.

«Яна была выканана па методыцы Герасімава (савецкі навуковец, заснавальнік рэканструкцыі знешнасці па чэрапе — рэд.). На сённяшні дзень — гэта адзіная афіцыйная рэканструкцыя знешнасці гэтага старажытнага чалавека», — адзначыў Памазанаў.

Зараз чэрап чалавека бронзавага веку экспануецца ў археалагічнай навукова-музейнай экспазіцыі інстытута. Там жа ёсць і фатаграфія скульптурнай рэканструкцыі. Сам скульптурны партрэт знаходзіцца ў Гродзенскім дзяржаўным музеі гісторыі рэлігіі.

Чаму рэканструкцыя з інтэрнэту — ненавуковая?

Па словах Памазанава, у апублікаванай Ancestral Whispers рэканструкцыі атрыманы колер вачэй і валасоў чалавека — фантазія, бо для вызначэння сапраўднага адцення неабходны генетычны аналіз.

«Гэтая рэканструкцыя хутчэй за ўсё выканана па фатаграфіі з манаграфіі „Фізічны тып старажытнага насельніцтва Беларусі“ Інэсы Салівон і Вольгі Марфінай», — мяркуе навуковец.

Памазанаў таксама звяртае ўвагу на тое, што фраза ў пасце пра «высокую ступень пераемнасці» — практычна даслоўны пераклад на англійскую мову тэксту з манаграфіі.

Памазанаў лічыць, што навуковага складальніка ў рабоце няма, бо незразумела, хто яе зрабіў. Акрамя таго, не пазначана ні месца, ні час знаходкі. Дадзеныя, прыведзеныя ў пасце, няслушныя. Паводле радыевугляроднага аналізу, які праводзілі беларускія навукоўцы, чэрап можна датаваць 2500 гадамі да нашай эры.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025