Ежы Грыгенча. Крыніца: Facebook / Ежик Григенча
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў пазбаўлення волі ў калоніі агульнага рэжыму і штраф у памеры 1000 базавых велічынь (40 тыс. рублёў). Адпаведная інфармацыя з’явілася ў раздзеле «спецвытворчасць» Вярхоўнага суда Рэспублікі Беларусь. Актывіст жыве ў Польшчы, прысуд яму вынеслі завочна.
Актывіста завочна асудзілі па чатырох крымінальных артыкулаў: ч. 1 арт. 130 (распальванне іншай сацыяльнай варожасці), ч. 1 арт. 361−4 (садзейнічанне экстрэмісцкай дзейнасці), ч. 2 арт. 367 (паклёп на Лукашэнку) і ч. 1 арт. 368 (абраза Лукашэнкі).
Штраф у памеры 1000 базавых велічынь актывісту прызначылі за абразу Лукашэнкі.
Справу актывіста пачалі разглядаць у Гродзенскім абласным судзе 11 лістапада — яе вёў суддзя Васіль Скок, які знаходзіцца ў санкцыйным спісе Еўрасаюза.
Ужо 21 лістапада агучылі прысуд. «Хутка, аднак», — адрэагаваў актывіст у сваіх сацсетках.
Вясной 2024 года Следчы камітэт распачаў спецвытворчасць супраць актывіста, яго маёмасць арыштавалі.
У мэтах забеспячэння выплаты штрафу суд не адмяніў арышт, накладзены на маёмасць актывіста.
Гродзенскі рок-гурт 8.sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…