Навіны

Чай са сметанковым крэмам і альтэрнатыўная кава: у цэнтры Гродна адкрылася новая кавярня Brew.Tea.Full

Новая кавярня адкрылася па адрасе Вялікая Траецкая, 23. Ва ўстанове праводзяць дэгустацыі гарбаты і кавы, у тым ліку альтэрнатыўных метадаў заварвання.

Назва складзена са слоў brew «заварваць», tea «чай» і full «поўны», і сугучная з beautiful «прыгожы». Інтэр'ер кафэ мінімалістычны і «інстаграмны» — прыглушанае асвятленне, белыя сцены, белыя сядзенні і нізкія столікі, ёсць разеткі. Меню нестандартнае: можна замовіць матчу-манга на какосавым малацэ, сырны амерыкана, капучына-баунці і гарбату са сметанковым крэмам.

Эспрэса каштуе 5 руб., амерыкана — 4−5 руб., капучына — 5,5−7 руб., латэ — 6, вяршковы раф — 8 руб. Акрамя стандартных пазіцый у кавярні актыўна выкарыстоўваюць альтэрнатыўныя метады заварвання кавы: аэрапрэс, батч-бру, варонку V60, кемекс (6−7 руб.). Ёсць сэт ад барысты за 13,5 руб.

З гарбат прапануюць габу, язмін, матчу язмін, малочную матчу, фруктовыя і фул-чаі - персік-вішня, ківі-манга, трапічны, ягадны.

Ёсць дэсерты — мядовік (7,5 руб.), эклеры (5,5 руб.), арэхавы і шакаладны тарт (7,5 руб.), круасан з фундуком (8 руб.).

У сваім Telegram-канале ўстанова расказвае пра розныя віды гарбаты і каву. Кавярня адчынена кожны дзень з 9.00 да 22.00.

Чытайце таксама:

Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025