Ужо два гады па Нёмане ў межах горада не катаюць людзей на цеплаходзе, катарах і іншым водным транспарце. Лічыцца, што асноўны чыннік — мель. Аказваецца, ёсць і іншая праблема: маторны транспарт перашкаджаў людзям, якія адпачывалі на пляжах Гродна. Таму яго проста забаранілі.
У межах горада — ад Ласосна да Усходняга моста — забаранілі прагулкі па Нёмане на маторным водным транспарце з 2023 года. Звязана гэта са скаргамі гродзенцаў, якія адпачываюць летам на беразе і ў вадзе.
«Ганялі на скутарах прама пад буямі. Хвалі накрывалі адпачываючых. У нас было шмат выпадкаў на Цэнтральным пляжы. Маленькае дзіця паўтара-двух гадоў зайшло ў ваду, мама стаяла побач, праходзіў катар, збіў яго хваляй — малое панесла на сярэдзіну ракі», — расказалі прадстаўнікі ТВВАД (таварыства выратавання на водах) журналістам Grodno.in.
Прадстаўнікі ТВВАД пасля гэтага звярнуліся да мясцовых уладаў, каб тыя забаранілі маторны транспарт на Нёмане. Гарвыканкам і адміністрацыя Кастрычніцкага раёна прынялі такія рашэнні. Таму зараз у межах дзеяння выратавальных станцый на Нёмане нельга з’яўляцца плавальным сродкам, акрамя службовага транспарту і МНС.
Крытычна нізкі для суднаходства ўзровень вады ў Нёмане ўлетку адзначаюць апошнія некалькі гадоў. З-за гэтага ў 2022 годзе цеплаход «Вольга Соламава» прыйшлося перагнаць на Аўгустоўскі канал.
У Ленінскім раёне купацца дазволена на Цэнтральным пляжы і на пляжы «Вусікі» ў Пышках. У Кастрычніцкім раёне да дазволеных пляжаў адносіцца пляж у Ласосне і на возеры Юбілейным.
Глядзіце таксама: Поўны спіс дазволеных пляжаў у Гродне і вобласці
У Гродне прызначылі новага камандуючага Заходнім аператыўным камандаваннем. Ім стаў генерал Вадзім Сураў, які раней…
Стваральнікі новай арт-калекцыі Mark Fomelle "Магія выцінанкі" натхняліся народнымі матывамі і выцінанкамі. У новую капсулу…
Вуліца ў гонар пісьменніцы і паэткі Лідзіі Ялоўчык у бліжэйшы час у Гродне не з’явіцца.…
Бескантактны міні-гатэль і рэстаран са стравамі з дзічыны адкрыюцца ў воданапорнай вежы ў Мастах. Побач…
Паветра ў Гродзенскай вобласці магло быць забруджана радыёактыўнымі элементамі, якія выдзяляліся падчас пажараў у Чарнобыльскай…
Гродзенскага журналіста Андрэя Мялешку ўначы 16 верасня дэпартавалі з Грузіі па вяртанні ў краіну з…