Удзельнікаў закрытага чата «Медики Гродно» у Telegram прызналі экстрэмісцкім фармаваннем. Адпаведнае рашэнне прыняў Камітэт дзяржаўнай бяспекі 16 ліпеня 2024 года. Інфармацыю апублікавалі на сайце Міністэрства ўнутраных спраў 19 ліпеня.
![КДБ прызнаў суполку медыкаў з Гродна экстрэміцскім фармаваннем](http://hrodna.life/wp-content/uploads/2023/09/Bezopasnost-v-Telegram-2-800x533.jpg)
Паводле КДБ, дачыненне да чату маюць Віктар Шумель і Данута Каваленка. Таксама сілавікі апублікавалі ID-нумары акаўнтаў Шумеля (акаўнты выдалены) і Каваленкі.
Віктар Шумель — былы дырэктар ЦСК «Нёман», актыўны ўдзельнік гродзенскіх, беларускіх і міжнародных спаборніцтваў па бегу, спартыўным арыентаванні і веласпорце. Яшчэ да прэзідэнцкіх выбараў Шумель публічна абмеркаваў падтрымку Лукашэнкі афіцыйным прафсаюзам і выйшаў з арганізацыі, а пасля не раз выступаў на мітынгах у Гродна, дзе яго назвалі «народным мэрам», і ўвайшоў у Каардынацыйную Раду па транзіце ўлады ў Мінску. Пасля ён перастаў з’яўляцца на публіцы.
Чытайце таксама: Як не стаць экстрэмістам ў Беларусі? Юрыст — аб пакаранні за падпіску, лайк і рэпост
Апошняй была гродзенская інтэрнэт-крама
У сакавіку 2024 года ў спіс экстрэмісцкіх фармаванняў унеслі гродзенскую інтэрнэт-краму «Адметнасць». Тады адказных за фармаванне палічылі гродзенцаў Сяргея і Вольгу Верамеенкаў.
Чытайце таксама: «Хай сабе прыдумваюць, што хочуць». Гродзенскую краму сувеніраў прызналі экстрэмісцкім фармаваннем