У Мастах разабралі самы доўгі пешаходны падвесны мост Беларусі. На замену абсталявалі часовы пантонны мост праз Нёман.
Ужо дэмантавалі металаканструкцыі моста, вядуць работы па разборцы падмурка. Прычына дэмантажу — вялікая рэканструкцыя, падрыхтоўку да якой пачалі ў траўні 2024 года.
Тут плануюць пабудаваць новы падвесны мост. Канструкцыя зменіцца: на працягу 10 м пасярэдзіне моста драўляную падлогу заменяць на шкляную, піша канал аблвыканкама «Пул 4 регион».
Ранейшы падвесны мост пабудавалі ў 1993−1995 гадах на базе моста, які існаваў да 1991 года, пабудаванага «Мастоўдрэў». Яго даўжыня складала 192,8 м.
Чытайце таксама: Мост на Фамічова перабудуюць за сем месяцаў. Калі нарэшце пачнуць працы?
