Колькасць індывідуальных прадпрымальнікаў у Гродзенскай вобласці ў 2023 годзе зменшылася больш чым на 500 у параўнанні з 2022 годам. Адпаведную інфармацыю апублікавала Галоўнае статыстычнае ўпраўленне Гродзенскай вобласці.
Большасць індывідуальных прадпрымальнікаў займаюцца аптовым і рознічным гандлем, рамонтам аўтамабіляў і матацыклаў - 38%. На другім месцы па колькасці - транспартная дзейнасць, складаванне, а таксама паштовая і кур’ерская дастаўка — 16,9%. Будаўніцтвам займаюцца 9,5% прадпрымальнікаў.
Менш за ўсё ІП у сферах прафесійна навуковай і тэхнічнай — 6,7% і прадстаўленні іншых відаў паслуг — 5,5%.
Як змянялася колькасць ІП за апошнія гады
Найбольшая колькасць зарэгістраваных індывідуальных прадпрымальнікаў за апошнія сем гадоў была ў 2022 годзе — 27 893. Найменшая ў 2018 годзе — 24,2 тыс.
- 2017 год — 25,0 тыс.;
- 2018 год — 24,2 тыс.;
- 2019 год — 24,4 тыс.;
- 2020 год — 26,2 тыс.;
- 2021 год — 27,5 тыс.;
- 2022 год — 27,8 тыс.;
- 2023 год — 27,3 тыс.;
Па краіне сітуацыя падобная
У снежні 2023 года стала вядома, што колькасць ІП зніжаецца. У краіне зарэгістравалі на 13 тыс. прадпрымальнікаў менш, чым ліквідавалі. Гэта звязана з тым, што з 1 студзеня 2023 года ІП згубілі права на спрошчанае падаткаабкладанне. Таксама скарацілі колькасць відаў дзейнасці для адзінага падатка. З-за гэтага ІП пачалі афармляць статус юрыдычнай асобы.
Станам 1 студзеня 2024 года ў Беларусі было 252,4 тыс. індывідуальных прадпрымальнікаў. Гэта на 10 тыс. менш, чым было 1 студзеня 2023 года.
Чытайце таксама: ІПшніцу з Гродзенскай вобласці судзілі за гандаль крэмам NIVEA
