Акцыя пратэсту 6 верасня 2020 года, пасля якой распачалі сотні крымінальных спраў. Ілюстрацыйнае фота Hrodna.life
У судзе Кастрычніцкага раёна Гродна 10 чэрвеня пачалі судзіць Шумель Галіну Станіславаўну. Верагодна, гэта маці Віктара Шумеля — «народнага мэра», былога дырэктара ЦСК «Нёман» і палітэмігранта. Вядома, што жанчыну затрымалі некалькі месяцаў таму.
Пасяджэнне па арт. 342 ч. 1 КК «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» прайшло 10 чэрвеня ў судзе Кастрычніцкага раёна Гродна. Суддзя — Уладзімір Пазняк.
Галіне — 60 гадоў. На яе старонцы ў «Аднакласніках» размешчаны фота дзяцей, сярод якіх ёсць Віктар Шумель. Яе судзяць у групе з чатырох чалавек. Таксама працэс ідзе над Тарасевіч Аленай Рамуальдаўнай, Занемонскім Сяргеем Уладзіміравічам і Сцепаненка Юрыем Аляксандравічам. Дадзеныя апошняга супадаюць з дадзенымі бацькі былога палітвязня Андрэя Сцепаненкі.
Да выбараў-2020 Віктар Шумель быў дырэктарам ЦСК «Нёман» у Гродне. Падчас перадвыбарчай кампаніі публічна выказаўся пра прымусовы збор подпісаў за Лукашэнку. Ён выйшаў з дзяржаўнага прафсаюза, выступаў на акцыях пратэсту і ўвайшоў у каардынацыйную раду. Яго празвалі «народным мэрам». У жніўні 2020 года з’ехаў з Беларусі.
Чытайце таксама: «Наша сіла ў адзінстве». «Народны мэр» Гродна Віктар Шумель пра пераезд і жыццё ў Польшчы
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…