Навіны

Змены праекта на Магістральнай: замест дзіцячага садка і таўнхаўсаў хочуць разбіць сквер

Замест блакаванай малапавярховай забудовы ў цэнтры новага квартала па вуліцы Магістральнай у Гродне і дзіцячага сада на 70 месцаў хочуць збудаваць шматкватэрны жылы дом і разбіць парк. Змены праекта выносяць на грамадскае абмеркаванне.

Новы шматпавярховік будзе зменнай паверхавасці - на 6−8-10 паверхаў, агулам на 141 кватэр. Ён размесціцца з краю квартала, удакладняе канал Urban Hrodna. Інфармацыя пра грамадскія абмеркаванні з’явілася на сайце гарвыканкама.

На месцы планаваных таўнхаўсаў і дзіцячага садка зробяць сквер з пляцоўкамі для адпачынку агульнага карыстання. На спартыўнай пляцоўцы ўсталююць дадатковае абсталяванне. Плошча азелянення складзе больш за 50%.

Праект новага жылога дома. Крыніца: Urban Hrodna

Плошча забудовы зменшыцца, а кватэр стане на 115 больш. Колькасць жыхароў квартала па разліках вырасце на 160 чалавек — 8% ад агульнай колькасці жыхароў у 1910 чалавек. Гэта не перавысіць запас магутнасцяў аб’ектаў сацыяльна-бытавога абслугоўвання. Дзяцей вырашылі перанакіраваць у садкі праз дарогу — у раёне вуліцы Пралетарскай: у яслі-сад № 57 і № 80, дзіцячы сад № 92, і ў дзіцячы сад № 32 за прыватнай забудовай.

Дадатковыя паркоўкі на 164 месцаў размесцяць па знешнім перыметры квартала ўздоўж існуючага праезду. Праектаванне ідзе на ўчастку ў 1,5166 га.

Змены ў праект уносяць паводле задання замоўцы і на падставе ліста аддзела адукацыі, спорту і турызму адміністрацыі Кастрычніцкага раёна Гродна (ад 01.02.2024 г. № 271/01−24).

Гродзенцы могуць выказацца наконт зменаў

Грамадскае абмеркаванне праекта пройдзе з 5 па 19 чэрвеня 2024. Заўвагі і прапановы прымаюць пісьмова:

  • Гродзенскі гарвыканкам (пл. Леніна, 2/1, 230 023; gorisp@gorod.grodno.by),
  • Упраўленне будаўніцтва, архітэктуры і градабудаўніцтва (пл. Тызенгаўза, 3, 230 023; arhitektura@gorod.grodno.by),
  • у часопісе ўліку наведвальнікаў экспазіцыі ва ўпраўленні архітэктуры.

Пабачыць праект можна з 5 па 19 чэрвеня (8:00—17:00, у буднія дні) у вестыбюлі ўпраўлення будаўніцтва і архітэктуры.

Прэзентацыя праекта пройдзе 13 чэрвеня, у 15.00 на першым паверсе будынка ўпраўлення архітэктуры, у кабінеце № 1.

Чытайце таксама:

Падзяліцца

Апошнія запісы

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025