Навіны

Зніклыя ў Гродне «палітычныя» іконы не вернуць? Замест іх з’явіліся іншыя

На месцы прыбраных з Пакроўскай катэдры ў Гродна «палітычных» ікон новапакутнікаў з’явіліся новыя. На іх тыя ж новапакутнікі, але ўжо без выявы чырвонаармейцаў, якія іх забіваюць.

На новых абразах таксама намаляваныя пакутнікі мітрапаліт Кіеўскі Уладзімір (закатаваны ў 1918 годзе) і мітрапаліт Петраградскі Веніямін (расстраляны ў 1922 годзе), але ў выглядзе партрэтаў анфас, звярнуў увага канал «Хрысціянская візія». Абяцаныя працы ў саборы, дзеля якіх, нібыта, прыбралі іконы, пры гэтым так і не былі пачатыя.

«Партрэты мітрапалітаў — адзін у мітры і ў акулярах, іншы ў клабуку і без акуляраў — нічога не скажуць наведвальнікам сабора. Яны не задаюць гістарычны кантэкст подзвігу новапакутнікаў і не сведчаць аб мужнасці быць хрысціянінам ва ўмовах, калі тэрор з’яўляецца дзяржаўнай палітыкай», — адзначаюць аўтары канала.

Іконы, якія шкодзілі рэпутацыі

Два з васьмі абразоў новапакутнікаў у Свята-Пакроўскім саборы ў Гродне зніклі восенню 2023 года. Іконы ўтрымлівалі «непрымальныя ў такім богаўгодным месцы сцэны гвалту і варожасці», напісалі тады ў звязаным з аблвыканкамам Telegram-канале «Гродна Медыя Group». У самім саборы знікненне ікон тады растлумачылі рамонтна-аднаўленчымі парцамі: «У сувязі з гэтым іконы і іншае царкоўнае начынне перамяшчаецца па храмавым комплексе па меры неабходнасці. Падобныя працы праводзіліся ў саборы з 2006 года і не выклікалі ніякіх здзіўленняў і пытанняў». Лёс зніклых ікон у выніку невядомы.

Іконы новапакутнікаў, якія зніклі са Свята-Пакроўскага сабора Гродна ў 2023 годзе. Фота: «Хрысціянская візія»

Іконы новапакутнікаў з’явіліся ў Гродне ў 2006 годзе, калі скончылася вялікая рэстаўрацыя кафедральнага сабора, і паказвалі, як савецкія сілавікі - чырвонаармейцы, афіцэры і чэкісты — забівалі праваслаўных дзеячаў. Пры гэтым вядома, што «гродзенскія абразы» — спісы з клеймаў цалкам афіцыйнай іконы «Сабор новапакутнікаў і вызнаўцаў Расійскіх, за Хрыста пацярпелых, яўленых і няяўленых» з Храма Хрыста Збавіцеля ў Маскве. Супрацоўнікі КДБ (былога НКУС) яшчэ ў 2006 годзе былі незадаволеныя іх з’яўленнем, бо гэта «шкодзіла іх рэпутацыі», але нягледзячы на ​​гэта іконы асвяцілі. Час ад часу пра іх успаміналі прадстаўнікі сілавікоў, а апошнія гады ў барацьбу ўключылася праўладная і прарасійская актывістка Вольга Бондарава.

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025