Узламалі папулярны беларускі партал аб нерухомасці: пад пагрозай асабістыя дадзеныя 900 000 беларусаў (абноўлена)

У выніку ўзлому зламыснікі завалодалі персанальнымі дадзенымі ўладальнікаў акаўнтаў на сайтах realt.by, kvartirant.by і mls.realt.by, якія належаць ТАА «РыэлтБай». Арыентыровачная колькасць акаўнтаў - 900 000. Пра гэта паведаміў Нацыянальны цэнтр абароны персанальных дадзеных Беларусі.

Цэнтр рэкамендуе карыстальнікам парталаў аб жылой і камерцыйнай нерухомасці, якімі валодае ТАА «РыэлтБай», змяніць лагіны і паролі ад сваіх акаўнтаў. Гэта датычыцца і мабільнага дадатку Realt і іншых сэрвісаў, якія належаць фірме.

Па гэтым інцыдэнце Цэнтр праводзіць праверку.

Што сказалі ў Realt.by

«Адзначым, што паролі ад акаўнтаў карыстальнікаў Realt не падлягаюць расшыфроўцы. Акрамя таго, дадзеныя, закранутыя інцыдэнтам, не змяшчаюць інфармацыі аб банкаўскіх картах, плацяжах і рахунках карыстальнікаў», — супакоіў карыстальнікаў Realt.by у сваім Telegram-канале.

Магчыма, маглі быць закрануты тэлефонныя нумары і адрасы электроннай пошты, якія карыстальнікі паказваюць у аб’явах. Уладальнікі партала не бачаць падстаў для турботы, але ўсё ж рэкамендуюць змяніць логіны і паролі.

Чытайце таксама:

• Быць на крок наперадзе хакераў: простыя парады па кібербяспецы
• Асабістыя дадзеныя кліентаў «Востраў чысьціні» зноў злілі ў інтэрнэт. Чым гэта пагражае і як абараніцца
• Новая «крыпта»? Чаго чакаць беларусам ад абяцанага Нацбанкам лічбавага рубля