Навіны

Былы рэстаран «Галера» на Нёмане адбуксіравалі з цэнтра Гродна

Баржу «Галера», якая была прышвартавана да левага берага Нёмана, адбуксіравалі ў бяспечнае месца. Яе ўладальніка яшчэ летась прыцягнулі да адміністрацыйнай адказнасці за тое, што ён не выканаў патрабаванні інспекцыі рачнога суднаходства і не адбуксіраваў баржу, паведаміла пракуратура Гродзенскай вобласці.

Баржа «Галера» у 2015 годзе. Крыніца: vgr.by

На баржы «Галера» у сярэдзіне 2000-х гадоў размяшчаўся рэстаран на вадзе. У 2011 годзе рэстаран закрылі, а судна заставалася прышвартаваным да левага берагу Нёмана ў цэнтры Гродна.

Баржа «Галера» у 2011 годзе. Крыніца: «Яндекс Карты»

Пазней уладальнік судна адбуксіраваў яго да прычала на вуліцы Партовай у Гродне. Там яно было прышвартавана больш за пяць гадоў. Але знаходжанне баржы ў гэтым месцы забаронена, бо месца не прызначана для стаянкі судоў. Побач знаходзіцца аўтадарожны мост, таксама швартоўку забараняюць знакі.

Уладальніку выносілі папярэджанні

Намеснік пракурора Гродзенскай вобласці папярэджваў уладальніка судна пра недапушчальнасць парушэння Правілаў плавання па ўнутраных водных шляхах Беларусі. У лістападзе 2022 года спецыялісты Беларускай інспекцыі рачнога суднаходства прадпісалі адбуксіраваць баржу да 1 траўня 2023 года. Але з-за таго, што прадпісанне не выканалі, уладальніка судна прыцягнулі да адміністрацыйнай адказнасці.

У выніку «Галеру» у красавіку 2024 года адбуксіравалі ў бяспечнае для суднаходства месца.

Чытайце таксама: Па Нёмане з «Вольгай Соламавай». Як вінтажны цеплаход катаў гродзенцаў на дачы, у Друскенікі і проста па рацэ

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025