Рамонт фасада на вуліцы Маркса ў Гродне. Фота: grodnonews.by
Фасады 90 дамоў у гістарычным цэнтры Гродна адрамантуюць да канца траўня — каб паспець да XIV Рэспубліканскага фестывалю нацыянальных культур. Работы пачаліся ў канцы сакавіка. Адрамантуюць дамы на вуліцах Кірава, Карла Маркса, Сацыялістычнай, Савецкай, Васілька, Карбышава і Вялікай Траецкай.
Асноўную ўвагу надаюць першым паверхам і цокалям, на якія ўздзейнічае навакольнае асяроддзе. Пасля зімы на фасадах з’яўляюцца дэфекты ад выкарыстання соляў для прадухілення галалёду. Са сцен адслойваецца фарба, адвальваецца слой аддзелкі. Асабліва пакутуюць дамы на Маркса і Кірава, якія знаходзяцца блізка ажыўленай праезнай часткі.
Працы ўключаюць афарбоўку фасадаў, вонкавую аддзелку і рамонт тынкоўкі, а таксама рамонт вадасцёкавых сістэм, калі яны пашкоджаны, расказалі «Гродзенскай праўдзе» ў гарадской жыллёва-камунальнай гаспадарцы. Работы фінансуюцца з гарадскога бюджэту. Папярэдне на іх выдзелена каля 200 тысяч рублёў.
Фатаграфіі фестываляў розных гадоў гродзенцы змогуць убачыць на фотаплоце, які з’явіцца на плошчы Леніна. Фатаграфіі, зробленыя членамі фотаклуба «Гродна», размесцяць на агароджы парку Жылібера. Акрамя таго, фатаграфіі з фестываляў пакажуць у чэрвені на выставе ў культурным цэнтры «Фестывальны».
XIV Рэспубліканскі фестываль нацыянальных культур пройдзе ў Гродне 7−9 чэрвеня 2024 года. Два дні фестывальныя мерапрыемствы будуць праходзіць у цэнтры Гродна. У апошні дзень яны перанясуцца на Аўгустоўскі канал. Там будуць святкаваць 200-годдзе Аўгустоўскага канала.
Фестываль нацыянальных культур, які аб’ядноўвае прадстаўнікоў розных этнічных груп, якія жывуць у Беларусі, праходзіць у Гродне раз на два гады з 1996 года. Фестываль уключае мноства мерапрыемстваў, такіх, як парад нацыянальнасцяў, канцэрты і выступы, прэзентацыі традыцый, рамёстваў, нацыянальнай кухні.
Асаблівасцю фестывалю з’яўляюцца нацыянальныя падворкі, якія на адзін дзень адчыняюцца ў розных кропках старога горада. На мінулым фестывалі, у якім удзельнічалі прадстаўнікі 31 нацыянальнасці, працавалі 17 нацыянальных падворкаў.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…