Здарэнне ля Вечнага агню ў ноч на 22 студзеня 2024 года. Скрыншот з відэазапісу камеры назірання. Крыніца: міліцыя Гродна
Выпіўшы жыхар Гродна спыніўся пагрэцца ля Вечнага агню ў парку Жылібера, а потым памачыўся на полымя. Гэта зафіксавала камера відэаназірання. Мужчыну судзілі паводле ч.1 арт. 339 КК («Хуліганства») 1 красавіка 2024 года ў судзе Ленінскага раёна Гродна. Яго пакаралі двума гадамі абмежавання волі з накіраваннем у папраўчую ўстанову адкрытага тыпу.
Абвінавачаны 2002 года нараджэння на судзе цалкам прызнаў віну і раскаяўся, паведамілі ў прэс-службе Гродзенскага абласнога суда.
Уначы 22 студзеня 2024 года мужчына адзначаў Дзень нараджэння сябра ў арандаваным катэджы ў раёне стадыёна «Нёман» у Гродне. Кампанія выпівала, а каля паловы другой ночы малады чалавек пасварыўся з таварышамі і сышоў. У стане моцнага ап’янення ён дайшоў да Брацкай магілы савецкіх воінаў і партызан у парку імя Жылібера, дзе і здзейсніў хуліганства.
Прыгавор суда не ўступіў у законную сілу. Бакі могуць яго абскардзіць і апратэставаць.
Чытайце таксама: Падлеткі залілі вечны агонь у Гродне
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…