Участок на Буденного, 42-44 под застройку. Источник: Гродненский центр недвижимости
Участак па вуліцы Будзёнага ў раёне дамоў 42−44 прадаюць пад узвядзенне будынка грамадскага прызначэння. Забудоўшчыка абавяжуць таксама добраўпарадкаваць і бераг Гараднічанкі з боку надзела.
Паводле ўмоў аўкцыёну, там могуць з’явіцца аб’екты адміністрацыйнага і (або) адміністрацыйна-гандлёвага, фінансавага прызначэння; аб’екты грамадскага харчавання, гатэль, медыцынскі або сацыяльны цэнтр. Згодна з дэтальным планам гістарычнага цэнтра Гродна, зацверджаным у 2022 годзе, тут да 2030 года збіраліся пабудаваць гасцінічны комплекс.
Пачатковы кошт складае 123 тысячы рублёў ($ 38 тысяч).
Адрас новага будынка будзе Будзёнага, 44А. Пераможца аўкцыёну атрымае права арандаваць зямельны надзел плошчай 0,4448 га на 50 гадоў.
Абмежаваная вышыня будучай пабудовы: яна не можа перавышаць максімальную адзнаку даху будынка па вуліцы Будзёнага, 46. Участак пад будаўніцтва знаходзіцца ў межах гістарычнага цэнтра Гродна — матэрыяльнай нерухомай гісторыка-культурнай каштоўнасці.
Забудоўшчыку трэба будзе добраўпарадкаваць прылеглую тэрыторыю. Да яе аднеслі і бераг ракі Гараднічанка (з боку ўчастка), і працяг вуліцы Студэнцкая да скрыжавання з вуліцай Будзёнага, уключаючы праезд і ходнікі.
Аўкцыён прызначаны на 23 красавіка 2024 года. Заявы на ўдзел будуць прымаць да 17 красавіка 2024 года.
Пра аукцыён па продажы гэтага ўчастка стала вядома яшчэ ўлетку 2023 года. Тады таргі збіраліся прызначыць на кастрычнік-лістапад мінулага года.
Раней на гэтым месцы размяшчалася першая гродзенская электрастанцыя 1912 года. Яе знеслі ў 2009 годзе, з таго часу ўчастак пуставаў, а праход ад вуліцы Студэнцкай да Будзёнага быў закрыты шмат гадоў. У 2016—2017 гадах тагачасны старшыня гарвыканкама Мечыслаў Гой абяцаў пабудаваць на гэтым участку гатэль Ibis французскай кампаніі Accor hotels. Але праект так і не рэалізавалі. У лютым 2019 годзе праходзілі грамадскія абмеркаванні: там вырашылі пабудаваць офісны цэнтр, а ў перспектыве разглядалі будаўніцтва гасцініцы і студэнцкага інтэрната.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…