Нейрасеткі ў медыцыне. Ілюстрацыйнае выява створана з дапамогай штучнага інтэлекту Copilot
Лекары Гродзенскай універсітэцкай клінікі пачалі выкарыстоўваць штучны інтэлект. Дзякуючы нейронавым сеткам спецыялісты ўжо могуць выкрыць інсульт і некаторыя анкалагічныя захворванні, паведаміў тэлеканал «Беларусь 4. Гродна».
«Укараненне штучнага інтэлекту ў медычную візуалізацыю моцна спрашчае працу як спецыялістам-пачаткоўцам, так і вопытным лекарам. Па-першае, яно звужае спектр паталогій, якія мы павінны разгледзець. Па-другое, не дапускае верагоднасць памылкі, ці ў крайняй меры зніжае яе», — сказаў лекар прамянёвай дыягностыкі Гродзенскай універсітэцкай клінікі Андрэй Пракаповіч.
Лекары атрымліваюць выявы даследавання і штучны інтэлект аналізуе іх. Нейронавыя сеткі вылучаюць на здымках пацыентаў участкі верагодных паталагічных працэсаў, а потым ідэнтыфікуюць захворванне метадам выключэння.
Апошняе слова застаецца за лекарам, але падказка тэхнікі паскарае працу і робіць яе якаснай. Пацыенту раней могуць прызначыць адпаведнае лячэнне, што можа мець вынікам хутчэйшае аздараўленне.
Зараз штучны інтэлект дапамагае лекарам пры магнітнай, рэзананснай і рэнтген-камп'ютарнай тамаграфіі, мамаграфіі, цыталогіі і радыёнукліднай дыягностыцы.
Але ўжо ствараюць і тэстуюць нейрамодулі для іншых захворванняў. Наступны этап — распрацоўка праграмнага забеспячэння, якім зможа карыстацца любы лекар і дыягност, у тым ліку ў раённых шпіталях.
Сістэму штучнага інтэлекту для абслугоўвання пацыентаў прыёмнага аддзялення плануюць выкарыстоўваць у шпіталі хуткай медычнай дапамогі ў Гродне. Для гэтага ў студзені 2024 года шукалі выканаўцу.
Новая сістэма павінна дазволіць арганізаваць адзіную чаргу кіравання патокам пацыентаў і аўтаматызаваць працэс іх абслугоўвання пры шпіталізацыі. Верагодна, што дзякуючы гэтаму пацыенты будуць менш чакаць, на медычны персанал знізіцца нагрузка, а дакладнасць дыягназаў павысіцца. Таксама мусіць павялічыцца прапускная здольнасць прыёмнага аддзялення.
Чытайце таксама: У БХМД у Гродне абслугоўваць пацыентаў будзе штучны інтэлект
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…
Гродзенскі гісторык Мечыслаў Супрон вызначыў, з якога ракурсу Напалеон Орда зрабіў адзін са сваіх гродзенскіх…
Памяшканне былой крамы «Спорттавары» на Ажэшкі, 42 у Гродне можна ўзяць у арэнду. Аўкцыён па…
Для зручнасці жыхароў і гасцей горада ў Гродне ўводзяць новую схему абмежавання руху мотатранспарту. Існуючая…
Мурал стварылі спецыяльна для "Музея Лідскага бровара". Убачыць яго можна падчас экскурсіі на піваварню 1876…