Навіны

80% замежных турыстаў - расіяне. Колькі турыстаў наведала Гродзеншчыну ў 2023 годзе

Гродзенскую вобласць у 2023 годзе наведала больш за 1 млн беларускіх і замежных турыстаў і экскурсантаў. Паводле чыноўнікаў турыстычнай галіны, гэта рэкордная лічба, паведаміў тэлеканал «Беларусь 4. Гродна».

Больш за ўсё турыстаў - з Расіі

Расіяне склалі 80% ад усёй колькасці замежных турыстаў, якія затрымліваліся ў Гродне як мінімум на адзін дзень. Агулам хаця б з адным начлегам рэгіён наведалі прыкладна 600 тыс. чалавек, а колькасць экскурсантаў была больш за 1 млн.

У гатэлях спыняюцца пераважна беларусы

У 2023 годзе ў вобласці працавала 63 гатэлі і аналагічных сродкаў размяшчэння турыстаў. Іх паслугамі скарысталіся 180 тыс. чалавек. Большасць кліентаў гасцініц — амаль 132 тыс. чалавек — грамадзяне Беларусі.

Што, акрамя Гродна, прываблівае турыстаў

Акрамя Гродна, турысты наведваюць Навагрудак і Ліду. Таксама папулярныя накірункі - Астравецкі і Смаргонскі раёны, аб’екты рэлігійнага турызму ў Слонімскім і Зэльвенскім раёнах.

«Апошнім часам набіраюць папулярнасць падарожжы ў Ваўкавыскі раён», — сказала намесніца кіраўніка ўпраўлення спорту і турызму Гродзенскага аблвыканкама Таццяна Лідзяева.

Летась у Гродзенскай вобласці адкрылі 11 турысцка-інфармацыйных цэнтраў. У 2024 годзе плануюць адкрыць яшчэ тры, у тым ліку ў Гродне.

Статыстыка турфірм: больш вывозілі за мяжу беларусаў, чым прывозілі замежнікаў

У канцы 2023 года ў Гродзенскай вобласці турыстычнай дзейнасцю займалася 78 арганізацый. Праз іх паслугі выязджала за мяжу 16,9 тыс. беларусаў. Сярэдняя працягласць побыту беларускіх турыстаў за мяжой — восем дзён.

Гэтыя ж турыстычныя арганізацыі абслужылі 5,5 тыс. замежных турыстаў. У сярэднім яны прыязджалі на тры дні.

Чытайце таксама: Каранік расказаў, што турыстаў на Гродзеншчыне стала ў 10 разоў больш. Але з лічбамі нешта не так

Колькасць турыстаў расце пасля пандэмійных гадоў

У ліпені і жніўні 2022 у Гродна ўпершыню пасля пандэміі хлынулі плыні турыстаў. Асноўнымі гасцямі ў 2022 годзе былі расіяне і ўнутраныя беларускія турысты. Для грамадзян Літвы, Латвіі і Польшчы ўвялі новы, яшчэ больш просты спосаб прыехаць без візы, але іх было выразна менш. Агулам у 2022 годзе ў Гродна прыехала больш за 50 тыс. турыстаў.

Горад тады аказаўся не гатовы да турыстычнага буму. У летнія месяцы ў гродзенскіх гасцініцах не было месцаў, не хапала экскурсаводаў, а ў Стары замак не было квіткоў.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025