Польскія візы падаражэюць. Такое рашэнне прыняў кіраўнік Міністэрства замежных спраў Польшчы Радаслаў Сікорскі. Раней польскія візы былі аднымі з самых танных у Еўрапейскім саюзе.
Сікорскі не ўдакладніў, які кошт візаў атрымаецца ў выніку. Зараз любая шэнгенская візы для грамадзян Беларусі каштуе € 35.
Паводле Сікорскага, танныя візы выклікалі падвышаны попыт ад замоўцаў з Афрыкі ці Азіі і гэта падвысіла нагрузку на польскія консульствы.
Ад 26 студзеня больш немагчыма падаць дакументы на візу па праграме «Poland. Business Harbour». Гэта праграма першапачаткова была арыентавана на беларускіх ІТ-спецыялістаў, якія маюць сусветную рэпутацыю. «Пакуль гэта былі беларускія ІТ-спецыялісты, праблем не было. Мы не закрытыя для гэтай ідэі, але мы павінны быць упэўнены, што яна ідзе да тых, да каго яна павінна ісці», — сказаў Сікорскі, выданню Wyborcza.pl.
Праграма «Poland. Business Harbour» — гэта комплекс паслугаў, які дазваляў фрылансерам, стартапам, малым, сярэднім, а таксама буйным прадпрыемствам у сферы IT і інавацый аператыўна і без праблемаў патрапіць у Польшчу.
Чытайце таксама: Беларусы больш не змогуць атрымаць польскую візу па праграме «Poland. Business Harbour»
Сікорскі паведаміў, што зараз ідуць перамовы з кампаніямі, якія напісалі праграмнае забеспячэнне электронных чэргаў на польскую візу. Праблему бачаць у тым, што месцы ў чарзе магчыма было перадаць трэцім асобам ці прадаваць. Новая сістэма мае быць персаналізаванай, каб пры патрэбе ад яе можна было адмовіцца, а не перадаваць іншаму чалавеку.
Найперш, нагодаю для зменай стала карупцыйная справа ў польскім МЗС, якая выявілася ў верасні 2023 года. Таксама магло паўплываць і тое, што не ўсе ўдзельнікі праграмы, якія атрымалі візы, насамрэч пераехалі ў Польшчу.
Чытайце таксама: Падацца на польскую візу можа быць яшчэ складаней. МЗС Польшчы скасаваў дамовы з візавымі пасярэднікамі
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…