Фота з аднаго з мерапрыемстваў "Русского дома" у Менску. Крыніца: vk.com/rcnkminsk
Расійскі цэнтр культуры і навукі хочуць адкрыць у Гродне да Дня адзінства народаў Расіі і Беларусі 2 красавіка. Ён стане ўжо чацвёртым у Беларусі.
Пра адкрыццё новага «Русского дома» ў Беларусі распавёў на прэс-канферэнцыі кіраўнік Россупрацоўніцтва Яўген Прымакоў, піша «Медиазона». Такія цэнтры ўжо ёсць у Мінску, Брэсце і Гомелі.
Год таму ў Гродне адкрылі генеральнае консульства Расіі. Пад яго адвялі будынак былога дзіцячага садка для дзяцей з разладамі аўтыстычнага спектру на вуліцы Цаглянай 2/2, непадалёк ад Каложскага парку і Палаца творчасці дзяцей і моладзі. Гэта другое генконсульства Расіі ў Беларусі. Першае, у Брэсце, працуе з 1994 года.
Пасля 2020 года іншыя грамадскія арганізацыі церпяць ад ціску беларускіх уладаў і не маюць магчымасці гэтак жа свабодна працаваць у Беларусі. На гэтым фоне «Русские дома» могуць мець вялікі ўплыў на беларусаў з дапамогай «мяккай сілы», тлумачыў сацыёлаг Аляксей Ластоўскі «Медиазоне».
«Русский дом» у Мінску існуе 12 гадоў. У сферы інтарэсаў арганізацыі дэкларуюцца культурныя, адукацыйныя і гуманітарныя праекты. «Русские дома» ў Беларусі знаходзяцца ў распараджэнні Россупрацоўніцтва — Федэральнага агенцтва па справах Садружнасці Незалежных дзяржаў, суайчыннікаў, якія жывуць за мяжой, і па міжнародным гуманітарным супрацоўніцтве.
Чытайце таксама: Замкі разбураць не будуць, але назвы вуліц «пачысцяць». Як могуць уніфікаваць гісторыі Беларусі і Расіі
У 2022 годзе «Русский дом» у Мінску займаўся арганізацыяй мерапрыемстваў па папулярызацыі рускай культуры і мовы. У Гомелі па праграме «Прывітанне, Расія» і «Новае пакаленне» адпраўлялі дзяцей і моладзь на розныя мерапрыемствы ў расійскія гарады — і ў акупаваны Крым, парушаючы міжнароднае заканадаўства. «Русский дом» у Брэсце праводзіў сустрэчы жаночага клуба «Берагіня» для пенсіянераў і збіраў падарункі для сем’яў, у тым ліку з ЛДНР і акупаваных Расіяй Херсонскай і Запарожскай абласцей, праводзіў выставы пра Сталінград. Таксама «Русские дома» агітуюць беларускіх школьнікаў паступаць у расійскія ВНУ па квотах.
Чытайце таксама: У школе Гродна збіраюць прысмакі для дзяцей Данбаса. Ініцыятар — фонд прарасійскага актывіста Талая
Нацягнуты паміж дрэвамі дрот, які знайшлі ў Пышках гродзенскія матацыклісты, апынуўся не адзінай небяспечнай пасткай…
На вуліцы Савецкай у Гродне на месцы "Дзіцячага свету" адкрылі бар "На Луне". Мяркуючы па…
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…