Навіны

У беларускай ВНУ будуць рыхтаваць спецыялістаў па беспілотніках. Калі набор?

У Беларускім дзяржаўным тэхналагічным універсітэце ў Мінску адкрываюць спецыяльнасць «Праектаванне, будаўніцтва, эксплуатацыя беспілотных сістэм». Пры гэтым у прыватным жыцці дронамі карыстацца стала практычна немагчыма.

У Беларусі зараз функцыянуюць 15 кампаній, якія вырабляюць беспілотныя лятальныя апараты. «Беспілотныя тэхналогіі з выкарыстаннем штучнага інтэлекту выкарыстоўваюцца для прадухілення лясных пажараў, ацэнкі стану ляснога фонду, у землеўпарадкаванні, для вывучэння стану ліній электраперадач, трубаправодаў, стану дарог і гэтак далей», — адзначыў рэктар БДТУ Ігар Войтаў.

Апошнія чатыры гады спецыялістаў у гэтай галіне БДТУ рыхтуе ў межах павышэння кваліфікацыі. Па словах рэктара, навучанне карыстаецца вялікім попытам. Да адкрыцця профільнай спецыяльнасці для атрымання вышэйшай адукацыі рыхтаваліся тры гады. Для паступлення на новую спецыяльнасць абітурыентам спатрэбіцца фізіка і матэматыка. Першы набор будзе ўжо ў 2024 годзе.

Паводле расійскіх метадычак

Праграму навучання на першым этапе будуць рыхтаваць з метадычнай дапамогай расійскіх ВНУ: Казанскага Нацыянальнага даследчага тэхнічнага ўніверсітэта імя А.М. Тупалева і Маскоўскага авіяцыйнага інстытута. У сакавіку-красавіку БДТУ плануе Міжнародны моладзевы форум па беспілотнай тэхніцы. На ім прадэманструюць прымяненне беспілотнай тэхнікі ў грамадзянскай сферы. Форум правядуць сумесна з пасольствам Расіі і прадстаўніцтвам Россупрацоўніцтва ў Беларусі.

Здымаць з дрона зараз практычна немагчыма

Адна з самых распаўсюджаных сфер прымянення беспілотнікаў - здымка з паветра — для прыватных асоб у 2023 годзе амаль памерла. Новыя правілы здымкі з дрону ў Беларусі, якія з’явіліся ў чэрвені 2023 года, змены ў Паветраны кодэкс Беларусі і ўказ Лукашэнкі ад 25 верасня «Аб дзяржаўным уліку і эксплуатацыі грамадзянскіх беспілотных лятальных апаратаў» фактычна забаранілі выкарыстанне дронов звычайнымі людзмі:

  • валодаць дронам зараз можа толькі ІП або юрыдычная асоба;
  • трэба прайсці навучанне на адкрытую і спецыяльную катэгорыі (тэрмін навучання — 2 тыдні, кошт — каля 700 рублёў);
  • зарэгістраваць дрон у Дэпартаменце па авіяцыі і атрымаць прысвоены яму бартавы нумар;
  • падрыхтаваць адзнаку аперацыйных рызык пры эксплуатацыі дрона;
  • атрымаць пісьмовы дазвол ад Дэпартамента па авіяцыі на эксплуатацыю дрона;
  • заключыць дагавор на абслугоўванне з РУП «Белаэранавігацыя» (60 рублёў у месяц).

Перад уласна здымкай трэба:

  • падаць заяўку і атрымаць дазвол на выкарыстанне паветранай прасторы ад «Белаэранавігацыі» (мінімум за 2 гадзіны і максімум за 5 дзён);
  • атрымаць дазвол ад Генеральнага штаба ВСРБ на правядзенне аэра-фотаздымкі;
  • пісьмова ўзгадніць палёт з мясцовым выканкамам;
  • атрымаць умовы палёту ў 570-ым цэнтры арганізацыі паветранага руху (за 1,5 гадзіны);
  • праінфармаваць 570-ы цэнтр арганізацыі паветранага руху аб пачатку палёту (за 10−15 хвілін) і, пры неабходнасці, іншых зацікаўленых асоб;
  • праінфармаваць бліжэйшае падраздзяленне СПА аб пачатку працы на дроне;
  • праінфармаваць 570-ы цэнтр арганізацыі паветранага руху і бліжэйшае падраздзяленне СПА аб заканчэнні палёту на дроне.

Зняты матэрыял на DVD-дыску трэба адправіць поштай у адрас Генеральнага штаба ВСРБ для праверкі яго спецыяльнай камісіяй на прадмет наяўнасці матэрыялаў абмежаваных або забароненых да распаўсюджвання. Толькі пасля гэтага знятае можна публікаваць.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025