У 2024 годзе ў Беларусі вялікія выхадныя будуць у траўні і ў лістападзе. Адпачываць можна будзе ажно чатыры дні запар. Hrodna.life паглядзеў каляндар святаў і пераносаў працоўных дзён на 2024 год.
Калі будзем святкаваць Радаўніцу
У траўні Радаўніца выпадае на аўторак 14 траўня. Такім чынам, вялікія выхадныя будуць з 11 па 14 траўня. Працоўны дзень — панядзелак 13 траўня — перанеслі на суботу 18 траўня. Але за тыдзень да гэтага выхадным днём будзе чацвер — 9 траўня.
У лістападзе таксама перанясуць працоўны дзень
У лістападзе вялікія чатырохдзённыя выхадныя будуць з чацвярга 7 па нядзелю 10 лістапада. Працоўную пятніцу 8 лістапада перанеслі на суботу 16 лістапада.
Калі яшчэ будуць выхадныя ў 2024 годзе
У 2024 годзе выхадныя дні на сярэдзіну тыдня выпадаюць чатыры разы — серада 1 траўня, чацвер 9 траўня, серада 3 ліпеня і серада 25 снежня. 1 студзеня 2025 года выпадае таксама на сераду.
