Калода, якая захоўваецца ў Аляксандра Мілінкевіча, складаецца з 54 карт. У асноўным такімі картамі гулялі ў покер.
Гродзенскі дзяржаўны гісторыка-археалагічны музей закупляе ігральныя карты фабрыкі Лапіных. Гэта калода з 24 карт малога памеру, якія выпускалі ў Гродне 100 гадоў таму
За калоду гатовыя заплаціць 295 рублёў. Гэтыя грошы знойдуць у абласным бюджэце. Карты павінны купіць да 29 снежня.
Музей закупляе набор з фабрыкі ігральных карт братоў Лапіных, якая працавала ў Гродне ў 1920−1940-х гадах. Яна размяшчалася ў доме па вуліцы Будзёнага, 56, дзе цяпер працуе «Белмытнясэрвіс».
У 2015 годзе падчас рамонту будынкаў журналіст Hrodna.life (тады яшчэ «Твой стыль») знайшоў у будаўнічым смецці некаторыя карты, уключаючы яшчэ неразрэзаныя лісты. Рэдакцыя перадала іх у Гродзенскі абласны гісторыка-археалагічны музей. Гэта выклікала масавую цікавасць да карт Лапіных. Адну з іх калод нават перавыдалі ў Гродне.
Арыгінальныя калоды Лапіных нячаста з’яўляюцца ў адкрытым продажы. Адна з такіх калод у кастрычніку 2023 года сышла з польскага аўкцыёну Allegro за 179 Еўра.
Яшчэ больш за 17 000 рублёў Гродзенскі дзяржаўны гісторыка-археалагічны музей выдаткуе на закупку іншых экспанатаў. Сярод іх карціны сучасных беларускіх мастакоў, шкляная селядочніца, зробленая на шклозаводзе «Нёман» у Бярозаўцы, старыя фота Гродна і альбом «Беларускі народны арнамент» 1953 года. Каштоўнасць альбома для гісторыі Гродна ў тым, што яго надрукавалі ў колеры на той жа былой фабрыцы братоў Лапіных.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…