Навіны

У Беластоку асудзілі жанчыну, якая збіла на пераходзе хлопчыка з Гродна

Польку, якая на пешаходным пераходзе ў Беластоку збіла дзіця з Гродна, прыгаварылі да 10 месяцаў турэмнага зняволення з адтэрміноўкай. Такое рашэнне вынес суд Беластока. Прысуд не ўступіў у законную сілу, паведамляе Radio Białystok.

ДТЗ адбылося амаль год таму, 17 студзеня 2023 года, у цэнтры Беластока на вуліцы Ліпавай. 22-гадовая жанчына за рулём Toyota збіла на пешаходным пераходзе 6-гадовага хлопчыка з Гродна. Ён у цяжкім стане патрапіў у лякарню.

Абвінавачаная ў судзе патлумачыла, што ў той дзень было цёмна, слізка, ішоў дробны дождж, а святочныя ўпрыгожанні ўскладнялі бачнасць. Яна сцвярджала, што з яе перспектывы ўсё выглядала так, быццам хлопчык выбег з левага боку прама пад колы аўтамабіля.

Гэтыя тлумачэнні суд не пераканалі. Ён прызнаў жанчыну вінаватай у ненаўмысным парушэнні ПДР, якія пацягнулі цяжкія траўмы пацярпелага дзіцяці. Яе прыгаварылі да 10 месяцаў турмы з адтэрміноўкай на два гады. Таксама яна павінна заплаціць 5000 злотых кампенсацыі, на тры гады ёй забаронена кіраваць транспартным сродкам.

Падрабязнасці ДТЗ і чаму дапамога дзіцяці выклікала пытанні

Падрабязнасці ДТЗ згадвае выданне MOST. У дзень здарэння сям’я збіралася вяртацца ў Беларусь, але вырашыла застацца яшчэ на дзень у Беластоку. Пацярпелы хлопчык пераходзіў дарогу разам з мамай і братам. У нейкі момант дзіця адпусціла руку мамы і пайшло на два крокі наперадзе. Нечакана на скрыжаванне з правага боку выехаў легкавы аўтамабіль і збіў хлопчыка.

Пацярпелае дзіця шпіталізавалі і ў цяжкім стане змясцілі ў аддзяленне рэанімацыі, увялі ў штучную каму. Ён атрымаў цяжкія траўмы галавы. У клініцы ён знаходзіўся амаль два тыдні.

Тады на лячэнне 6-гадовага Мішы неабыякавыя беларусы сабралі за пяць дзён больш за 300 тыс. еўра. Аднак да мамы дзіцяці ўзніклі пытанні. Аказалася, што ў Мішы ёсць карта паляка — і таму лячэнне ў беластоцкай бальніцы пакрыў Нацыянальны фонд здароўя Польшчы.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025