Навіны

Прымусовыя працы, затрыманне экскурсавода і ўкраінца, зачыстка ў Лідзе. Як прайшоў тыдзень у Гродне і вобласці

У Лідзе затрыманых на суткі адпраўляюць на прымусовыя працы. У Карэлічах затрымалі экскурсавода, а ў Ваўкавыску — ураджэнца Украіны. На адным лідскім прадпрыемстве затрымалі сем чалавек. Рэдакцыя Hrodna.life вывучыла, што адбылося ў вобласці з 20 па 26 лістапада.

У Лідзе затрыманых на суткі адпраўляюць на прымусовыя работы

Затрыманых у Лідзе адправілі на добраўпарадкаванне тэрыторыі лякарні, піша «СБ. Беларусь сегодня». Так арышт адбываюць ад 10 да 20 чалавек. Іх кантралюе супрацоўнік міліцыі. Сярод апрацоўчых і арыштаваныя за «палітыку».

Вярнуцца да «дысцыплінарнай практыкі савецкіх часоў» прапанаваў намеснік галоўнага ўрача па гаспадарчай рабоце Лідскай ЦРБ Аляксандр Ванюкевіч, які 20 гадоў прапрацаваў у праваахоўных органах. Ідэю падтрымалі кіраўнік бальніцы Іван Загароўскі і начальнік Лідскага РАУС Сяргей Сыцэвіч.

Як мінімум 17 рашэнняў за распаўсюд экстрэмісцкіх матэрыялаў у вобласці

Суды прайшлі ў Гродне, Ашмянах, Шчучыне. Сярод аштрафаваных — маці малалетняга дзіцяці, маці траіх дзяцей у дэкрэце, удава, інжынер. Як правіла, давалі штраф у 15−30 базавых велічынь, паведамляе «Право имеют».

Новыя палітвязні

Сцяпан Задойка 22 лістапада прызнаны палітвязнем.

Новыя экстрэмісты

Мекека Міхаіл Валянцінавіч і Леасевіч Уладзімір Леанідавіч з Гродзенскай вобласці 24 лістапада папоўнілі спіс «экстрэмістаў».

У Карэлічах затрымалі мясцовага экскурсавода Юрыя Красоўскага

15 лістапада сілавікі забралі мужчыну з дому. Суд пастанавіў арыштаваць Красоўскага паводле арт. 19.11 КаАП на 15 дзён, паведамляе MAYDAY TEAM.

Гэта ўжо як мінімум чацвёртае затрыманне для яго — раней Юрыя Красоўскага арыштоўвалі ў 2020, 2021 і 2022 гадах.

Затрыманні ў Лідзе

У Лідскім лакаматыўным дэпо затрымалі сем работнікаў за распаўсюд экстрэмісцкіх матэрыялаў у інтэрнэце. Пра гэта паведамляюць праўладныя Telegram-каналы.

Гродзенца затрымалі за абразу ў чат-рулетцы

У Гродне затрымалі мясцовага жыхара за абразу Аляксандра Лукашэнкі і супрацоўніка АУС у чат-рулетцы ў стане алкагольнага ап’янення. Таксама ён прайшоў рэгістрацыю ў чат-боце «План перамога».

Затрыманне ў Гродне. Скрыншот Hrodna.life

У Ваўкавыску затрымалі ўраджэнца Украіны з беларускім пашпартам

Па версіі мужчыны, яго затрымалі за «размяшчэнне ў інтэрнэт-рэсурсах БЧБ-сімволікі». Сілавікі сцвярджаюць, што прычынай стала распаўсюджванне экстрэмісцкіх матэрыялаў і распальванне варожасці.

Затрымалі ўраджэнца Украіны. Скрыншот Hrodna.life

Новая экстрэмісцкая інфармацыя

Суд Ленінскага раёна Гродна 21 лістапада 2023 года прызнаў экстрэмісцкімі:

  • Старонку ў «Одноклассниках» «Виктор Бабарико»
  • Старонку ў Instagram «viktar_babaryka»,
  • Youtube-канал «Виктор Бабарико»,
  • Telegram-канал «Виктор Бабарико»,
  • Telegram-бот «Связь со штабом Бабарико»,
  • Суполку ВКонтакте «Виктор Бабарико»,
  • Суполку ў Facebook «Виктор Бабарико»,
  • Старонку ў Facebook «Виктор Бабарико»,
  • Старонку ў Twitter «Виктор Бабарико»,
  • Сайт «Виктор Бабарико»,
  • Акаунт пад назвай «viktar_babaryka» в Tik Tok,
  • Сайт «Политзаключённый — мой друг. Бери и дружи уже сейчас!»,
  • Старонку ў Instagram «politzek.me»,
  • Старонку ў Twitter «Politzek.me | Political Prisoners in Belarus»,
  • Суполку ў Facebook «Politzek.me — поддержка политзаключённых»,
  • Telegram-канал «Politzek.me»,
  • Telegram-бот «Politzek.me — официальный бот-помощник для писем»,
  • Старонку ў Instagram «party.vmeste»,
  • Старонку ў Twitter «Партия «Вместе»,
  • Суполку ў «Одноклассники» «Разам»,
  • Суполку ВКонтакте «Вместе»,
  • Суполку ў Facebook «Вместе»,
  • Telegram-канал «Разам»,
  • Telegram-чат «Разам Chat»,
  • Cайт «Оргкомитет партии «Вместе»,
  • Суполку ў Facebook «Оргкомитет партии «Разам»,
  • Суполку ў Facebook «Брест — Разам»,
  • Суполку ў Facebook «Минск. Первомайский — Разам»,
  • Суполку ў Facebook «Солигорск — Разам»,
  • Суполку ў Facebook «Минский район — Разам»,
  • Суполку ў Facebook «Минск. Московский — Разам»,
  • Суполку ў Facebook «Гомельская область — Разам»,
  • Суполку ў Facebook «Брестская область — Разам»,
  • Суполку ў Facebook «Могилёвская область — Разам»,
  • Суполку ў Facebook «Минск. Фрунзенский — Разам»,
  • Суполку ў Facebook «Минск. Центральный — Разам»,
  • Суполку ў Facebook «Минск. Ленинский — Разам»,
  • Суполку ў Facebook «Минск. Октябрьский — Разам»,
  • Суполку ў Facebook «Могилев — Разам»,
  • Суполку ў Facebook «Гомель — Разам»,
  • Суполку ў Facebook «Минская область — Разам»,
  • Суполку ў Facebook «Варшава — Разам»,
  • Суполку ў Facebook «Гродненская область — Разам»,
  • Суполку ў Facebook «Гродно — Разам»,
  • Суполку ў Facebook «Минск. Заводский — Разам»,
  • Суполку ў Facebook «Минск. Партизанский — Разам»,
  • Суполку ў Facebook «Минск. Советский — Разам»,
  • Суполку ў Facebook «Витебск — Разам».

У Гродне пачнуць судзіць бізнесмена з Ваўкавыска: абвінавацілі ў пратэстах, а судзяць за падаткі

У судзе Гродзенскага раёна будуць судзіць Марозава Дзмітрыя Пятровіча. Яго дадзеныя супадаюць з дадзенымі ўладальніка фірмы «Мегасіла» Дзмітрыя Марозава з Ваўкавыска. Ён быў затрыманы па матэрыялах УКДБ па Гродзенскай вобласці і знаходзіцца пад вартай.

Дзмітрый Марозаў. Скрыншот Hrodna.life

У Гродне затрыманы сузаснавальнік фірмы па гарадскіх маршрутных перавозках

Гродзенца затрымалі за «дрэнныя» каментары ў Telegram-каналах пра беларускіх і расійскіх вайскоўцаў. Ён нібыта пісаў, што іх трэба забіваць. Мяркуючы па скрыншотах, мужчына пісаў, што ставіцца да беларускага войска нармальна, пакуль яно не вырашыла «пайсці на Украіну». Паліць ён прапаноўваў «рашыстаў».

Затрыманы бізнесмен. Скрыншот Hrodna.life

«Не выявілі парушэнняў». Польскі ДВП пракаментаваў самагубства беларускага палітвязня

Унутранае расследаванне варшаўскага СІЗА не выявіла парушэнняў у працы супрацоўнікаў датычна самагубства былога беларускага палітвязня Кірыла Кетурка. Староннія асобы таксама не паўплывалі на рашэнне аб суіцыдзе. Пра гэта польская турэмная служба (аналаг беларускага Дэпартамента выканання пакаранняў) адказала на запыт Hrodna.life — але пра многае змаўчала.

Кірыл Кетурко. Скрыншот з перадачы «Мы вернемся»

У Гродне ліквідуюць яшчэ адну літоўскую арганізацыю — «Клуб «Гервечай»

Міжнародную грамадскую арганізацыю «Клуб «Гервечай» ліквідуюць праз Гродзенскі абласны суд. Пасяджэнне запланавана на 23 лістапада. Арганізацыя прапрацавала амаль 30 гадоў і развівала супрацоўніцтва Літвы і Беларусі. Яна «падтрымлівала курс кіраўніцтва» Беларусі.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025