Навіны

«Палітыка ранейшая — поўная дэнацыяналізацыя». У Астраўцы гараджане выказаліся супраць новых назваў вуліц

Раённыя ўлады ў Астраўцы вырашылі даць назвы праектаваным вуліцам і праездам у раёнах сядзібнай і шматкватэрнай забудовы ў цэнтры Астраўца. Гараджан заклікаюць выказацца з гэтай нагоды, але тыя нават стварылі петыцыю супраць прапанаваных назваў. Што з імі не так?

Прапанаваныя райвыканкамам назвы — вуліцы Народная, Жураўліная, Добрая, Сямейная, Салаўіная, Ясная, Дружбы, Мірная, 9 мая, 17 верасня і нават Мінская.

Райвыканкам прапануе больш падрабязна азнаёміцца ​​з пытаннем да 14 снежня. Меркаванні грамадзян наконт назваў вуліц у пісьмовай форме збіраюць на афіцыйны адрас установы (Астравец, вул. Кастрычніцкая, 8) і на электронную пошту arhit-ostrovec@mail.ru.

Грамадзяне абурыліся

Гараджан абурыла бессэнсоўнасць прапанаваных назваў вуліц Астраўца і яны вырашылі звярнуцца да ўладаў калектыўна.

«Прапанаваныя да прысваення назвы настолькі абстрактныя, што не нясуць у сабе аніякага сэнсу. У гэты час неўшанаванымі застаюцца імёны выдатных беларусаў, жыхароў Астравеччыны, чыя дзейнасць на карысць грамадства мусіць быць прыкладам для ўсіх», — пішуць стваральнікі петыцыі.

Якія назвы хочуць бачыць жыхары?

Аўтары пералічылі асоб, звязаных з краем, і якіх, на іх думку, варта ўшанаваць у гарадской тапаніміцы:

  • Альбін Стаповіч — паэт, публіцыст і музыка;
  • Янка Быліна — паэт, драматург і святар з вёскі Лакцяны;
  • Мар’ян Богуш-Шышка — мастак з Трокенікаў;
  • Іосіф Гашкевіч — вучоны-мовазнаўца, даследчык Японіі і Кітая, які правёў апошнія гады свайго жыцця ў Малях;
  • Леў Дабжынскі — мастак, пахаваны ў вёсцы Лоша ў 1938 годзе;
  • Казімір Сваяк — грамадска-палітычны дзеяч, паэт, драматург, публіцыст, літаратуразнавец, каталіцкі святар, які нарадзіўся ў вёсцы Барані.

«Пакуль гэтыя асобы не ўшанаваны, не зразумела, як гаворка можа ісці пра ўшанаванне салаўёў і жураўлёў - які прыклад яны падаюць, які нацыянальны гонар яны абуджаюць у жыхароў горада? Ніякі», — падводзяць выснову ў петыцыі.

«Палітыка ранейшая — поўная дэнацыяналізацыя», — пракаментавалі называнне ў канале «Спадчына».

На момант публікацыі гэтага тэксту петыцыю падпісала 28 чалавек. Подпісы збіраюць да 23 лістапада. Пасля яе скіруюць у Астравецкі райвыканкам.

Вайна назваў у Астраўцы

У Астраўцы не ўпершыню спрабуюць ушанаваць славутых землякоў. У чэрвені 2022 года ў Астравецкі райвыканкам паступаў зварот членаў грамадскага аб’яднання «Беларускі фонд культуры» аб увекавечанні памяці літаратуразнаўца і гісторыка Адама Мальдзіса, які нарадзіўся ў Астравецкім раёне. 24 чэрвеня 2022 года выйшла рашэнне Астравецкага райвыканкама № 461 «Аб перайменаванні дзяржаўнай установы культуры «Астравецкая раённая бібліятэка».

У ліпені 2022 праўладная і прарасійская актывістка Вольга Бондарава з гэтай нагоды абурылася і звярнулася ў Гродзенскі аблвыканкам. Спачатку там паведамілі, што адмяняць рашэнне аб перайменаванні не плануюць. Але пазней аргументы Вольгі пра «прапольскага дзеяча» і «махровага нацыяналіста» прынялі.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025