Навіны

Падача анлайн і штрыхкоды: як і для каго зменіцца афармленне шэнгенскіх візаў

Дакументы на лічбавыя шэнгенскія візы можна будзе падаваць анлайн на адмыслова створанай для гэтага платформе. Замест звыклай візавай налепкі ў пашпарт будуць ставіць штрых-код з крыптаграфічным подпісам.

На інтэрнэт-платформе заяўнікі змогуць уводзіць усе неабходныя дадзеныя, загружаць электронныя копіі сваіх пашпартоў, праязных і пацвярджальных дакументаў, а таксама аплачваць візавыя зборы. Асабістая падача дакументаў у консульства спатрэбіцца толькі тым, хто атрымлівае шэнгенскую візу ўпершыню, людзям, чые біяметрычныя дадзеныя больш не сапраўдныя, і людзям з новым, чыстым пашпартам.

Новыя правілы афармлення шэнгенскіх віз Савет Еўрасаюза ўхваліў 13 лістапада. Яны павінны спрасціць працэс падачы заяў для падарожнікаў і зменшыць нагрузку на нацыянальныя адміністрацыі, якія змогуць рэагаваць больш хутка і эфектыўна, лічыць выканаўца абавязкаў міністра ўнутраных спраў Іспаніі Фернанда Грандэ-Марласка Гомес.

Калі пачнуць выдаваць шэнгенскія візы анлайн

Пасля падпісання рэгламентаў, якія вызначаюць змены па лічбавых шэнгенскіх візах, іх апублікуюць у Афіцыйным часопісе Еўрапейскага саюза. Яны набудуць сілу на дваццаты дзень пасля публікацыі.

Дата пачатку ўжывання новых правіл залежыць ад тэрмінаў завяршэння тэхнічнай працы над платформай і лічбавай візай. Раней паведамлялі, што гэта можа адбыцца ў 2026 годзе, піша Officelife.

Хто дае «шэнген» беларусам

На пачатку восені ў топе краін па хуткасці падачы, станоўчым адказам і прастаце запісу на візы для беларусаў былі Італія, Грэцыя, Германія, Венгрыя і Польшча. У Францыю і Іспанію запісацца складана, да таго ж, візавы цэнтр Іспаніі ў Мінску прыпыніў прыём дакументаў, а тэрмін разгляду дакументаў павялічылі. На шэнген ад Грэцыі нескладана падацца, але вялікі адсотак адмоваў. Колькасць адабрэнняў там падае разам з завяршэннем турыстычнага сезону. Чарга на падачу ў пасольства Германіі была да мая 2024 года.

Гасцявыя візы беларусам часцей за ўсё ставяць у Нямеччыне, Італіі і Польшчы. Польшча афармляе гасцявыя візы і катэгорыі С, і катэгорыі D. Зрабіць запрашэнне могуць як сваякі, так і сябры. У Італіі і Германіі яго не трэба рэгістраваць у профільных дзяржаўных органах.

Турыстычныя візы ў Польшчу афіцыйна пачалі выдаваць з верасня 2023 года, але запісацца на падачу практычна немагчыма, а візавыя эксперты фіксуюць вялікую колькасць адмоў.

Чытайце таксама:

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025