Навіны

Памежныя чаты: у беларусаў з ВНЖ іншай краіны пытаюцца пра пастаноўку яго на ўлік (абноўлена)

На беларускай мяжы пагранічнікі на выездзе пачалі правяраць пастаноўку на ўлік у МУС віду на жыхарства або пашпарты іншай краіны. Пра гэта паведамілі адразу некалькі чалавек у адным з чатаў. Такі закон прынялі летам — у сярэдзіне кастрычніка заканчваюцца тэрміны, у якія беларусы былі абавязаны паведаміць аб існуючых замежных дакументах.

Беларусы расказалі, што ў знаёмых, якія перасякаюць мяжу, праверылі пастаноўку ВНЖ на ўлік у МУС. Такія праверкі нібыта існуюць на выездзе з Беларусі.

Два беларусы заявілі, што іх знаёмых «разгарнулі» і не выпусцілі з краіны, бо іх від на жыхарства не быў на ўліку.

Некаторыя ж пішуць, што пра ВНЖ і карту паляка пыталіся — але гэта не паўплывала на перасячэнне мяжы.

Памежнікі і МУС нічога не ведаюць

Журналістка Zerkalo.io як звычайная грамадзянка патэлефанавала на гарачую лінію Дзяржпамежкамітэта. Там адказалі, што «разгортваць» беларусаў з ВНЖ і не ўпускаць ці не выпускаць з краіны, не будуць. Ці патрэбная нейкая спецыяльная даведка для перасячэння мяжы, супрацоўніца не ведала.

Раней некаторыя беларусы атрымалі спецыяльныя даведкі, паведаміўшы дзяржорганам аб замежных дакументах. Адной з чытачак «Люстэркі» паведамілі, што гэта трэба «для мяжы, інакш, калі паедзеце назад, могуць быць праблемы, будуць прыдзірацца».

У МУС на пытанне, ці трэба перасякаць мяжу з такой даведкай, адказалі, што трэба пытацца ў памежнікаў.


11 ліпеня 2023 года ўступілі ў сілу змены ў Закон Рэспублікі Беларусь «Аб грамадзянстве Рэспублікі Беларусь». Згодна з імі, грамадзяне Рэспублікі Беларусь, якія маюць замежны дакумент — грамадзянства, від на жыхарства, дакумент, які дае права на льготы, абавязаны праінфармаваць аб гэтым органы ўнутраных спраў або органы дыпламатычнай службы на працягу трох месяцаў з дня ўступлення ў сілу закона. Гэтыя тры месяцы якраз скончыліся.

Раней СМІ паведамлялі аб фактах прымусу да адмовы ад карты паляка — такое было як мінімум на «Гродна Азот» і на самой мяжы.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025