Навіны

Падалі дрэвы і знікала электрычнасць: моцны вецер у выхадныя прайшоўся па Гродне і вобласці

Падраздзяленні МНС Гродзенскай вобласці больш за 50 разоў выязджалі на ўборку дрэваў, якія ўпалі, у выхадныя 7−8 кастрычніка. Занятыя рамонтамі былі і аварыйныя брыгады электрасетак. Прычынай аварый былі парывы ветру, якія дасягалі 24 м/с.

У Гродне выратавальнікі распілоўвалі дрэвы, якія ўпалі ў дварах і на праезную частку па вуліцах Камарова, Шчорса, Панямуньскай, Суворава і Томіна. У Астравецкім раёне паваленае дрэва пашкодзіла прыпаркаваны аўтамабіль.

Падаючыя дрэвы і галіны парушалі электразабеспячэнне ў 275 населеных пунктах ва ўсіх 17 раёнах вобласці. Аднаўлялі яго аварыйныя брыгады электрасетак.

Ветранае надвор’е захавалася ў Гродзенскай вобласці і агулам у Беларусі і 8 кастрычніка. На Гродзеншчыне зафіксавалі 41 дрэва, якое ўпала. Адно з іх пашкодзіла аўтамабіль.

Паводле звестак «Белэнерга», 8 кастрычніка ў Гродзенскай вобласці моцны вецер парушаў электразабеспячэнне 188 населеных пунктаў. Па стане на 06.00 9 кастрычніка без электразабеспячэння заставаліся 8 населеных пунктаў Гродзенскай вобласці.

У Гродзенскай, Мінскай і Віцебскай абласцях электрасеткі пацярпелі ад ветру больш за ўсё, расказалі ў «Белэнерга».

Ніхто з людзей ад ветра 7−8 кастрычніка не пацярпеў. Паводле інфармацыі «Гроднаэнерга», аранжавы ўзровень небяспекі захоўваецца ў Беларусі і 9 кастрычніка. Вецер будзе дасягаць 15−20 м/с.

Што рабіць пры моцным ветры

МНС нагадвае, што ў выпадку шквалістага ўзмацнення ветру трэба:

  • шчыльна зачыніць вокны і дзверы,
  • з двара, адкрытых балконаў і лоджый прыбраць гаспадарчыя рэчы, якія могуць нанесці шкоду жыллю,
  • машыну паставіць у гараж ці прыпаркаваць далей ад дрэў і слаба ўмацаваных канструкцый,
  • знаходзячыся на вуліцы, абыходзіць навясныя збудаванні, надламаныя галінкі дрэў і лініі электраперадач,
  • устрымацца ад паездак на асабістых аўтамабілях і працяглага знаходжання на вуліцы.

У выпадку ўзнікнення пагрозы для жыцця або здароўя паведамляйце пра гэта ў службу выратавання па тэлефонах 101 ці 112.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025