Крымінальны кодэкс. Ілюстрацыйнае фота belta.by
Міністэрства ўнутраных спраў Беларусі ўзбудзіла крымінальную справу супраць удзельнікаў анлайн-марафону салідарнасці з палітзняволенымі «Нам не ўсё адно». Ён ішоў у прамой трансляцыі на YouTube 29 ліпеня 2023. Тады ўдалося сабраць больш за € 570 тыс. на карысць палітычных зняволеных.
Следчыя ўзбудзілі крымінальную справу па ч.2 арт. 361−2 КК (фінансаванне экстрэмісцкай дзейнасці). Пакаранне прадугледжвае да васьмі гадоў пазбаўлення волі. Падазраваных каля 60 чалавек — арганізатараў і ўдзельнікаў марафону. Сілавікі выяўляюць і іншых асобаў, якія спансавалі марафон.
«Нам не ўсё адно» — марафон па зборы сродкаў для беларускіх палітзняволеных і іх сем’яў. Ён адбыўся з 29 ліпеня 2023 года на шматлікіх каналах беларускіх незалежных медыяў на YouTube. Падчас марафону сабралі больш за € 570 тыс. Арганізаваў марафон Аб’яднаны пераходны кабінет Беларусі.
Hrodna.life таксама далучыўся да марафону. У яго межах мы пагутарылі з былым палітзняволеным гродзенцам Зміцерам Фурманавым.
У жніўні 2023 года суд Цэнтральнага раёна Мінска прызнаў відэазапісы марафону экстрэмісцкімі матэрыяламі.
У арганізацыі і правядзенні марафону ўдзельнічалі больш за 20 незалежных медыяў, сярод якіх Белсат, Еўрарадыё, Зеркало, Звычайны ранак, Радыё Свабода, Радыё Ўнэт, Страна для жизни, Беларускі расследавальніцкі цэнтр, Брестская газета, Маланка Медыя, Медыязона, Наша Ніва, Радыё Рацыя, Салідарнасць, BPN/Pozirk, Hrodna.life, Kyky.org, Nexta, Reform.by, Tribuna.com.
У эфіры былі Святлана Ціханоўская, Павел Латушка, кіраўнік «Байсол» Андрэй Стрыжак, блогер Андрэй Павук, палітолаг Арцём Шрайбман, блогеры Саша Івулін і Мікіта Мелказёраў, музыкі Юрый Стыльскі і Піт Паўлаў, пісьменніца Святлана Курс і многія іншыя.
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…
Заснавальніца рэкламнага агенцтва "На ўра" і ўдзельніца конкурсаў прыгажосці Лана Глумакова выпускае кнігу "Жаночы Магнетызм…
Ноч музеяў пройдзе ў Беларусі 17 траўня. У Гродне абяцаюць квізы і касцюміраваныя экскурсіі. У…