На прыпынку “Парк Жылібера” (раней – “Цэнтр занятасці”) на вуліцы Дзяржынскага здаюць у арэнду два гандлёвыя павільёны. Памяшканні прадастаўляе Гродзенская гарадская жыллёва-камунальная гаспадарка.
Кіёскі плошчай 5,2 і 4,6 кв.м можна выкарыстоўваць для прадпрымальніцкай дзейнасці, напрыклад, пад пункт грамадскага харчавання. Кіёскі электрыфікаваныя.
Паводле ЖКГ, у гэтым месцы вялікая плынь транспарту і людзей. Пры гэтым кіёскі чамусьці пустуюць не менш за год. Летам 2022 у адным з іх адкрывалася хотдожня, але потым яна пераехала. У іншым кіёску прадавалася розная дробязь і салодкае. Зараз з трох кіёскаў на прыпынку працуе толькі адзін – “Табакерка”.
Канчатковую цану арэнды за 1 кв.м. акрэслівае камісія. Жадаючыя арэндаваць павільёны павінны звяртацца ў аддзел прававой і кадравай працы ЖКГ па тэлефоне +375(33) 690-70-98 праз Viber альбо WhatsApp, або па тэлефоне 62-30-39.
Чытайце таксама: Нерухомасць тыдня: у Паўднёвым можна купіць паўдома з саунай і участкам
