Міністр адукацыі Беларусі Андрэй Іванец падчас нарады ў Лукашэнкі. Фота: president.gov.by
На нарадзе 21 верасня Аляксандр Лукашэнка з міністрам адукацыі Андрэем Іванцом і паўсотняй іншых чыноўнікаў абмяркоўваў сітуацыю ў сферы адукацыі і пытанні размеркавання студэнтаў. Яго хваляваў ад’езд выпускнікоў за мяжу.
Усе студэнты-бюджэтнікі пасля заканчэння ВНУ абавязаны адпрацаваць два гады размеркавання, нагадаў Іванец. Для мэтавікоў гэта не менш за пяць гадоў, дагавор можа прадугледжваць і большы тэрмін. Цяпер ёсць выпадкі, калі выпускнікі пакрываюць дзяржаве кошт навучаньня, але яны адзінкавыя. Пры адмове ад размеркавання выпускнік БДУ, напрыклад, кампенсуе каля 40−45 тыс. рублёў.
«Сёння і бюджэтнік, і платнік, паводле нашага меркавання, павінен адпрацоўваць», — заявіў міністр адукацыі на нарадзе.
Лукашэнка лічыць, што трэба змагацца з ад’ездам выпускнікоў за мяжу і павялічваць тэрміны адпрацоўкі. «Што такое два гады — гэта, лічыце, мы яго навучалі ў ВНУ і яшчэ праз настаўніцтва, праз набываны вопыт два гады навучаем на працы», — заявіў ён. Дапамагчы могуць забаронныя меры, упэўнены ён. «Хоць бы паўзабаронныя: дапусцім, 5 гадоў. Правільна, мэтавік — не менш за 5 гадоў. А можа быць, яшчэ і арыентаваць дзесьці акуратна да 7 гадоў. У адваротным выпадку — не хадзі ў мэтавікі».
Лукашэнка прапанаваў ужо пачынаць «насельніцтва акуратна інфармаваць» пра тое, што тэрміны адпрацоўкі павялічваюць. «Мы рыхтуем для сябе спецыялістаў. Мы падрыхтавалі, даем табе першае працоўнае месца — ідзі і працуй. Вось туды трэба, мы цябе туды накіроўваем».
Кошт платнага навучання ў Беларусі ў сярэднім невялікі, упэўнены Лукашэнка. «Я параўноўваю з узроўнем аплаты там, на Захадзе. Там шалёныя грошы гэта каштуе. Таму добра, плацім столькі, добра — адпрацуйце».
«Сёння платнік пакрывае не больш чым 50−70% ад кошту свайго навучання. Фактычна ў рэспубліцы няма платнай вышэйшай адукацыі - гэта паўплатная адукацыя, якую субсідуе або ўніверсітэт, або дзяржава. Мы гэтую праблему бачым, яе нам неабходна вырашаць. Да гэтага ўжо прыступілі», — сказаў Андрэй Іванец.
Таксама Лукашэнка закрануў школьную адукацыю. Ён заявіў, што «школа — храм», дзе павінны быць «жалезны парадак і дысцыпліна» ў адукацыйным працэсе і ў матэрыяльным плане, і прапанаваў «выхоўваць моладзь працай», каб да школы ў іх было адпаведнае стаўленне.
Ён прапанаваў не будаваць у новых мікрараёнах «школы-палацы», а арганізаваць падвоз дзяцей да «намоленых» школ у цэнтральных раёнах, дзе жыхары старыя і дзяцей мала. Зэканомленыя грошы ён прапануе выдаткаваць на зарплаты настаўнікаў.
Пры напісанні падручнікаў і ў сістэме ацэнкі ведаў трэба арыентавацца на вучняў, а не «думаць катэгорыямі вопытных выкладчыкаў і іншых спецыялістаў», лічыць ён. У школьнай праграме трэба вярнуцца да досведу савецкага часу і выкарыстоўваць і дапрацоўваць найлепшыя дапаможнікі, а не друкаваць новыя.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…