Памежны пераход "Сілене". Крыніца: trans.info
Латвія прыпыніць працу памежнага перахода «Сілене» (з беларускага боку «Урбаны») на беларуска-латвійскай мяжы. Гэта адбудзецца 19 верасня 2023 года каля 20:00. Прычына — забеспячэнне недатыкальнасці дзяржаўнай мяжы і перадухіленне пагрозы дзяржаве, звязанай з нелегальнай міграцыяй, паведаміў міністр унутраных спраў Латвіі Ріхардс Казлоўскіс.
З 13 па 19 верасня 2023 года памежная служба Латвіі перадухіліла спробы 894 чалавек незаконна перасекчы латвійска-беларускую мяжу. Агулам за верасень памежнікі перадухілілі больш за 1770 спробаў незаконнага перасячэння мяжы. У жніўні - больш за 1600 спробаў.
Таксама ў МУС Латвіі сказалі, што дадатковыя абставіны рызыкі і магчымую матывацыю для працягвання намаганняў Беларусі па дэстабілізацыі сітуацыі на мяжы з Латвіяй, можна лічыць адкрытую падтрымку Беларуссю Расіі ў вайне супраць Украіны.
На беларуска-латвійскай мяжы працягне працаваць памежны пункт пропуска «Патерніекі» (з беларускага боку «Грыгароўшчына»).
У ліпені 2023 года латвійскія памежнікі запрашалі на размову беларусаў, якія накіроўваліся ў Латвію. У іх аглядалі тэлефоны, а таксама пыталі, куды яны едуць і з якой мэтай.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…