Фота ілюстрацыйнае. Крыніца: Гроднаэнерга
Усе беспілотныя лятальныя апараты (БПЛА) ў Беларусі трэба будзе ўнесці ў дзяржаўную базу дадзеных. Карыстацца дронамі без дзяржуліку будзе забаронена. Такія змены прапанаваны ў праекце змен у Паветраны кодэкс Беларусі. Праект апублікавалі на Нацыянальным прававым інтэрнет-партале. Паводле інфармацыі партала, праект прыняты Палатай прадстаўнікоў і ўхвалены Саветам Рэспублікі.
Праект прапануе новае вызначэнне БПЛА:
Беспілотны лятальны апарат — паветранае судна, прызначанае для выканання палётаў без экіпажа на борце, кіраванае аператарам беспілотнага лятальнага апарата з пункта (пульта) кіравання, у тым ліку без яго візуальнага кантакту з дадзеным паветраным суднам, або ў зададзеным аўтаномным рэжыме, або спалучэннем указаных спосабаў.
Раней Генеральная пракуратура патрабавала ад Дэпартамента па авіяцыі ўзмацніць кантроль за выкарыстаннем паветранай прасторы. Паводле пракуратуры, у Беларусі за апошні год стала больш парушэнняў пры палётах на дронах і звышлёгкіх самалётах. Пры гэтым за апошнія тры гады павялічылася колькасць зон, дзе выкарыстанне дронаў забаронена.
Дроны часта выкарыстоўваюць кантрабандысты, каб перакідаць цыгарэты праз беларуска-літоўскую мяжу.
Гродзенскі рок-гурт 8.sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…