Праект вежы на плошчы Леніна. Крыніца: newgrodno.by
Гродзенскія архітэктары Аляксандр Штэн і Данііл Ярмолік прапанавалі сваё бачанне цэнтральнай часткі горада. Насупраць аблвыканкама — ратушная вежа з музеем, а паміж плошчамі Леніна і Тызенгаўза — аркада.
Архітэктары лічаць, што на ўскрайку плошчы Леніна, насупраць аблвыканкама, можна пабудаваць вежу. Яна павінна нагадваць гродзенскую пажарную каланчу на вуліцы Замкавай. Маўляў, гэта сваеасаблівая адсылка да гарадскіх тэндэнцый, калі больш старажытная забудова нібыта прабіваецца парасткамі памяці праз наступныя пабудовы.
Унутры вежы прапануюць зрабіць музей, а на верхняй частцы аглядную пляцоўку. Штэн і Ярмолік лічаць, што такая вежа можа стаць сваеасаблівым маяком і арыенцірам для турыстаў.
Чытайце таксама: Глядзіце, як выглядала плошча Леніна 50 гадоў таму
Архітэктары прапануюць паміж плошчамі Леніна і Тызенгаўза пабудаваць шэраг арак. Яны павінны быць выгнутымі і сіметрычнымі будынку «крывой афіцыны». На іх думку, гэта зробіць афармленне плошчы Тызенгаўза блізкім да задумак архітэктараў, якія будавалі ансамбль Гарадніцы.
У цэнтры горада аркада можа быць не адна. Другой ахітэктары прапануюць аддзяліць плошчу Леніна ад вуліцы Ажэшкі. А каб надаць плошчы канчатковы выгляд, можна ўзвесці яшчэ адно крыло Гродзенскага гарвыканкама з левага боку будынка.
Акрамя гэтага, Штэн і Ярмолік прапануюць часткова аднавіць квартал, які знеслі падчас будаўніцтва Гродзенскага аблвыканкама. Зараз на яго месцы размяшчаецца паркоўка з газонам. Там можна ўзвесці некалькі будынкаў.
«Абраная спроба — адна з магчымых і не прэтэндуючых на ісціну, больш за тое, даволі ўмоўная. Яна пакуль падобная на тэатральную дэкарацыю і патрабуе дэтальнай прапрацоўкі і асэнсавання», — сказалі архітэктары Аляксандр Штэн і Данііл Ярмолік.
Паводле словаў архітэктараў, фасады будынкаў фармуюцца з простых вертыкальных плоскасцяў, якія падобны па памерах, фактуры, колеры дэкаратыўных элементаў да будынкаў, якія збудавалі ў другой палове 1980-х гадоў.
«З гэтай сваеасаблівай „лушпіны“ нібыта вырастае альбо зазірае стогадовай даўніны забудова характэрная для Гродна з вонкавымі сценамі з глінянай цэглы і скатнымі дахамі».
Чытайце таксама: Хмарачосы, муляжы, шкло і бетон? Што і як будаваць у гістарычным цэнтры Гродна і вакол яго
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…