Фота ілюстрацыйнае: pexels.com
У Гродзенскай вобласці за год стала на 1218 індывідуальных прадпрымальнікаў менш. Тым не менш абласная падатковая атрымала з ІП больш падаткаў, чым год таму.
Па стане на 1 ліпеня 2023 года на падатковым уліку ў Гродзенскай вобласці стаялі 27 409 індывідуальных прадпрымальніка. Гэта на 4,3% менш, чым на 1 ліпеня 2022 года.
Пры гэтым у бюджэт Гродзенскай вобласці за першае паўгоддзе 2023 года індывідуальныя прадпрымальнікі заплацілі 53,2 млн. рублёў. Гэта 2,5% усіх даходаў бюджэту. У супастаўных цэнах за той жа перыяд год таму паступленні выраслі на 15,7% (на 7,2 млн. рублёў).
Больш за ўсё атрымалі ад прадпрымальнікаў у сферы аптовага і рознічнага гандлю — 38,9%, або 20,7 млн. рублёў. Транспартная сфера прынесла 21,3%, ці 11,4 млн. рублёў, будаўніцтва — 6,1%, ці 3,2 млн руб., апрацоўчая прамысловасць — 5,5%, ці 2,9 млн. рублёў.
Падобная сітуацыя і ў Брэсцкай вобласці: за год колькасць прадпрымальнікаў упала з 36,4 тысяч да 34,3 тысячы. Затое падаткаў з пакінутых сабралі больш на траціну — усяго 108,7 млн рублёў. Звестак па іншых абласцях няма. Пры гэтым у Мінску вось ужо два гады не рэгіструюць новых ІП з-за «тэхнічных праблем», піша «Зеркало». Колькасць прадпрымальнікаў за год там упала на 7,1%.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…